USA, Maryland pan Pi Niang Khan Dim (Thuklai, Mangzong beh) in hongnusia

USA, Maryland pan Pi Niang Khan Dim (Thuklai, Mangzong beh) in hongnusia

Mangpha Pi Niang Khan Dim (Kum 74) Mangzong Beh – Zogam Thuklai khuami Washington D.C Area, Maryland State, Frederick khua aa ateng Pi Niang Khan Dim in abeisa August 2,2020 in Khang Ham natna tawh hongnusia chih thu izak man in ZIUSA kipawlna mintawh dahpihna i pulak hi.

Pi Dim pen Pasian lamhonsakna tawh June 2018 in USA atung ahihi, Pi Dim Zomite kipawl khopna Zomi Innkuan Washington D.C Area ah member khat leh ZIUSA Genvai member onglut thukhun pom ni 10/31/2018 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Pi Dim luanghawm tawh anunungpen hunzatkhop ding hong tungding Wednesday August 5,2020 11:00am in (Sizang Burmese Mission Church) makaih na tawh (200 Melvin Avenue, Catonsville,MD 21228) ah hunbawlna neihkhit ciang in han ah vui na ki nei ding hi.

Pi Dim hong nusiatna hanga adahakap alungleng khuangai Innkuan pih tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)

ZIDCA pan Sih kohna leh dahpihna (Condolence)

Washington D.C Area, Maryland State, Frederick khua aa ateeng Pi Niang Khan Dim (Kum 74) wife of Rev. Ngo Kho Cin -Late (Thuklai khua; Mangzong beh), (US sung om Pa Tual Kim (Suantak Von Tualzokim), Man Za Huai leh Pa Ngin Tual Mangzong te’ ii pianna Nu) in ateeng na a inn pan tu zingsang 10:00AM hun in khanghaam natna (လူကြီးရောဂါ) tawh hong nusia ahih manin Zomi Innkuan D.C Area (ZIDCA) pan nakpi takin kidahpih mahmah hi. Pi Dim pen Sizang Burmese Mission Church (SBMC) ii full member khat hi aa, ZIDCA ii full member bek thamlo in US gam sung Zomite kipawlna ahi Zomi Innkuan USA, Genvai ah zong full member khat ahi hi.

More: Zomite nuntakzia leh ngeina ~ Rev. Dr. Gin Khan Nang

Pi Dim ii luanghawm tawh kisai hun geelna te Innkuan thu neite leh Pawlpi lam pan ahun zui in hong kizasak to to ding hi. Topan adah akap khempeuh hong hehnem ta hen. Dahna lianpi tawh, Zomi Innkuan Washington D.C Area (ZIDCA)