USA, Washington DC pan Pi Cing Za Vung (Khuasak, Kuntong) in hongnusia
Mangpha Pi Cing Za Vung (Kum 96) Kuntong Beh – Khuasak khuami Laurel, MD aa ateng Pi Cing Za Vung in abeisa December 29, 2022 in hongnusia cih thu izakman in ZIUSA kipawlna mintawh dahpihna ipulak hi.
Pi Cing pen Zomi Innkuan Washington DC Area ah member khat leh ZIUSA Genvai member pom ni 8/6/2014 pan active member khat ahih manin thumeilet/policy zuiin (100%) Death Benefit $15000 kipiakhia ding aa paakkual $150 man khat tawh zong mangpha khakna kinei hi.
Pi Cing luanghawm tawh anunung pen hunzatkhop ding hong tung ding Saturday January 14, 2023 10:00AM in Sizang Burmese Mission Church makaihna tawh, Funeral Service bawl khit ciang han ah vuina kinei ding hi.
Pi Cing hong nusiatna hang in adahakap alungleng khuangai tanau meltheih khempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc., Secretary of Genvai)
Sihkohna leh Dahpihna
DC Area huam Maryland State, Laurel khua aa ateeng Pi Cing Za Vung (Khualui Pi) (Kum 96) (Pianna khua – Khuasak) (ZIDCA Advisor Pu Ngocinthawng Suantak ii Sung Nu) in Tuni December 29, 2022 ni hong nusia ahih manin ZIDCA pan nakpi takin kidahpih mahmah hi. Pi Vung pen Sihzang Burmese Mission Church (SBMC) pawlpi ii member khat leh ZIUSA Genvai full member khat zong ahi hi.
Pi Vung ii luanghawm tawh kisai Funeral vai te Innkuan thu nei lam leh Pawlpi lam pan ahun ahun in hong kiza sak to to ding uh hi. Topan adah akap khempeuh hehnepna hong pia ta hen. Dahpihna Lianpi tawh, Zomi Innkuan Washington D.C Area (ZIDCA) DC Area
Comment piaknop aomleh...