Phone etkawmkawm in numeikhat Lift sung alutleh tuksuk in akhe ki vattan

Phone etkawmkawm in numeikhat Lift sung alutleh tuksuk in akhe ki vattan

China gamsung ah numei khatin a phone limetlua in, datlika “Lift” sungah alutleh akhe awksakkha hi. Tualaitak Lift pen thakhatthu in kahtovat sawnsawn ahih manin, akhe vattanlian cih Dail Mail pan kiza hi.

Hih thupiangpen CCTV panin Video Record aki etkik ciangin numei asamtompian khat Phone enkawmkawmin Lift sungah lutphei hi. Tua Lift sungah alutlian laitak in kisuikha in thakhatthu in tuksuk hi.

Lift kongkhak kawmkal ah akhe awkcitciat in, tualaitak Lift pen kahtovat sese hi. Iqiyi Website te genna ah tua numeinu pen Lift sung alutma in Phone bekbek limetlua cihi. Lift atun cianginzong a phone mah enkawmkawm in, Lift sungah lutphei hi.

Anung ahzong numeikhat in azui hi a, atonkhawm uh ahihi. Ahi zongin tua numeinu pen kamphatna tawh lutphei manlo in, suakta bilbel hi.

Tua Lift pen numeinu akhe a awkkhit phetin thakhatthu in atungah akahto hi a, Floor thumtak akahtoh khitciangin khawlcippan hi. CCTV sungah numeinu ii akhe Lift in avattan laitakzong ki muvat a, tua numeinu pen kawilingleng in sualtungah lumcip suak hi.

Akhe pen dokkhia dingin aki tomtom hangin, dokkhia theilo hi. Tua numeinu pen akhe akhuknuai ah ki tankhia liuleu cimawk hi.

More: Inndawl 25 Floor pan Lift kisia in aki hotkhiatsawm pasal khat kiasuk in si

Hih tuahsiatna apianhun taktakpen abeisa 21 June 2017 ni kici a, ahi zongin hih Video Clip pen tudiak in hongki khahkhiapan ahihi. Tuahsiatna apianna munpen Shanghai, Zhongshan West Road sung aom Conch Building ah kici hi. Phone zatpen kidop huai mahmah cih hong phawksak phapha hi. (News kigelh tepen laimal adiklo khatlenih omthei khading hi. Kuamah hun awng anei pikpek omlo ihhih manin, laimal khialhna te ki elkoko lozaw in, ki theihsiamni cih kongthuum uhhi.) Sawltak #zomidaily