Phamsa haibang ngakngak

Phamsa haibang ngakngak

Yokyo khuapi khanglam Chufu Kushu ah Yokyo Imperit Universty Professor, Eifaburo Uyeneno a cih sangsia khat a om hi. Ui tal pil mahmah Hachiko a kici khat a khawi hi. A uital tawh sang kah den a, sangpi gei meileng khawlna ah a ui nusia in, nitak sangtuah teh a ui tawh meilengah tuangin a ciah zel uh hi.

Tua bangin kum 4 bang a kizuih khit uh 1925 kumin a kikholh nunung pen uh meilengah Universty lam zuanin a pu tawh a tuang uh hi. A ngeina bangin meileng khawlna ah a ui nusia in sang a zuan hi.

Zum sung a tunzawh a sawt lo-in Eifaburo Uyeneno pen lungtang khawlin a si ngiau hi. A seppih sangsiate leh sangnaupangte in mawtaw tampi zangin Profesor-pa a tenna Chufu Kushu ah kha in a vui ta uh hi.

Profesor pa a sihni in kuamah in a ui a phawkkha kei uh hi. A ui Hachiko in a hihleh a pu’ zot hun a ngak niloh hi. Amah in a pu’ sih lam theilo hi. A ui ciahpih a sawm’ uh hangin ut lo-in a pu mah a gal-et niloh hi. Tua bangin nitumin khua in a mialnelh zelzel hi.

Hih ui a mu peuh in hehpihhuai sa in nekding bangkhat peuh a pia zel uh hi. Mite’ napiak tawh kinaamtak’in kum 10 sung meilengkhawlna ah a pu ngak nilohin, 1935 March ni 8 ni-in a si ta hi.

Hachiko sih thu in Yokyo khuapi sung patau sakin mite hong pai ngeingai uh hi. Nikten, puansilh-a kipan a neih a lamh uh hong kengin ui kiangah a kiciang venvan hi.

Tua vante zuakin Ui phawkna in ama’ lim lianpi khat kisuai a, meilengkhawlna ah kikoihin, tu ni dongin Yokyo khuapi-a khualzin mite’ lungsim khoih pha pen ahi hi. Tdkhen