Ph.D Defense Lawhcinna Lungdam pihna

Ph.D Defense Lawhcinna Lungdam pihna

Tonzang Khuapi huam, Luangel Khuami, Pa Cin Za Dal leh Nu Cing Sian Niang tetapa’ Pastor Lian Sian Mung [Ph.D. Trinity International University] IL panin apaisa kaalsungin a Dissertation, “Isaiah’s Eschatological Vision of a Transformed World by the Spirit [RUACH] from On High: The Hermeneutical and Theological Function of Isaiah 32:9-20” Defense honglawhcing in a sawtlo in Ph.D. [OT] lukhunelkaai hongngah tading ahih manin khangno mipil, Pasian it leh akiniam khiat etteh huaikhat ihneih man in honglung dampih nu’ teh cih natawh ka hong post hi.

Ama thukom kimcing:
Sia. Mung nulehpate Luangelpanin khangkhia a, amah ahihleh Tonzongah piang hi. High School a pass khitciangin anuai abangin pilsin na hong lawhcing hi.

B.Sc. [Marine Science], Mawlamyine University, Mawlamyine, Myanmar [2000]
M.A. In Min., Asia Pacific Theological Seminary, Baguio City, Philippines [2003]
M.Div., Asia Pacific Theological Seminary, Baguio City, Philippines [2004]
Th.M., Asia Pacific Theological Seminary, Baguio City, Philippines [2007]

Sia. Mung, Philippines a omsung [2004-2008]in Asia Pacific Theological Seminary Baguio City ah Old Testament leh Hebrew hilh hi. Tua sang’ APTS faculty mahin omlai bektham lo, professor semding mah in deih mahmah uhcihzong thukiza lai hi.

Trinity Evangelical University atunphet in “Biblical Study Excellence” ahih manin Trinity Sangnaupangte lakpan in Genie Lau Memorial Award hongngah hi. Mivom Mikangte lakah hihbang pilnatawh Award ngahna hanginzong Zomi te adingin ang’tan’ huai mahmah hi.

A Ph.D mentor/advisor Dr. Willem VanGemeren “New International Dictionary of Old Testament & Exegesis 5 Vol- editor] hi a, Sia. Mung’ Dissertation zong a mentor pa leh University in publish dingin recommend uh hi. Trinity ah Sangakah kawmmahin Zomi te a itna leh Pasian nasepding alunggulhna tawh Chicago/Wheaton kima om Zomi Pawlpi ahzong Pastor semkawm hi.

Sia. Mung tawh kimuh khakna
September 2015 in Trinity University ah US leh Canada Langham Scholars’ Consultation kanei uh a, Dr. Do Kham Dissertation va endih ningci in Library kalut leh kilamenlopi in kimukha in hampha kakisa mahmah hi. Tangval lai nun nemleh kiniam khiatin Zomite adingin kinepna tampi om hi.

USA Gamsung Laisiangtho Sangte omzia:
1807 kumin Andover Theological Seminary in Degree napiata a’ US gamsung Seminary graduate Sang upapen hipah hi. Tuciang2 in US gamsungah Seminary& Divinity& Bible College simzawh lohphial in om ta a ahizongin 21st Century in Missionary akhahzo Seminary tebek mah hongkhangto a, LGBT [Lesbian, Gay, Bisexual,Transgender] te akisan na Sangte ah damdam in endowments/ Pawlpi pan scholarship, Grants te kiamsemsem in Sanghongzo nawnlo in akhak tamsimsim ta hi. Hihbang kawmkal a, Continent khempeuh ah Missionary kizopna anei sangte in, Asbury, Fuller, Trinity etc [keitheihkhakpak] te hi a, Evangelical Ecumenical ahihziakin Leitung kiuli pan hongkizuan ziahziah hi ahangpen kha mangthang vei ahihman un khangto semsem uh hi.

Topan’ Sia Mung Ph.D Cand thupha hongpiaksak tosemsem in mitampi tak ading in thupha honghisak tahen!

A Lawm:
Pau D.Lian
CellPhone #859 295 9977
https://asburyseminary.academia.edu/PauDLian
http://pasianthuphangahmi.blogspot.com/
[Haksatna Lo-in Nopna Omlo]