Performance ahoihlo nasem te gawtna in ekbuktui dawnsak

Performance ahoihlo nasem te gawtna in ekbuktui dawnsak

Sengam ah mihau Boss te’n a nasem te uh nasepzia Performance ahoihkeileh atuamtuam in gawtna piathei uh cih thuthang tuamtuam abeisa in kiza zelzel hi. Nungdiak inzong China, Sichuan Province sung aom Photography Studio khatah Boss te’n nasemte akihhuai mahmah gawtna pia ahih manin Netizens te hehmahmah uhhi.

Tua gawtna pen ekbuktui dawnsakna himawk hi. Nasem Staff te sungah deihdan abangzolo, Target acingzolo tepen gawtna in ekbuktui dawnsak citciat sese hi.

Hih thupiang pen nungkal July 28 ni in thupiang hi a, ahi zongin tua Company sungah nasemte lobuang apualam ah kuamah in theihpih khalo uhhi. Tuabang in Boss te’n ekbuktui adawnsak laitak akizaihkha Video pen nasem tebek aki thuzakna WeChat Group sungah ki khakkhia uhhi.

Ahi zongin tua nasemtebek ii muhtheihding in akikhak pen apualam ah hongkehkhia in, Social Media tungah aki thehzak ciangin Netizens tampitak in mukha uhhi.

Tuabang in ekbuktui akidawnsak nasem Employee pen mi 3 kici hi. Ekbuktui cihpen ektui taktak himawk hi. Video Clip sungah pasal khatin ekkuang “Squat toilet” akuak sungpanin Paper Cup khattawh tui suakkhia in, duhngap hetlo pipi in dawngaigai hi.

Adang numeikhat inzong duhngap hetlo pipi in adawn gaigai laitak Video sungah ki muthei hi. Red Star News te genkhiatna ah nasem alutthak pawlkhat Training kipia in, asepding asemtheilo te gawtna in ekbuktui akidawnsak cihi. Tua Training apia leh ekbuktui adawnsak pen numei khat kici hi.

Video: Chinese company makes employees drink toilet water as punishment

https://www.youtube.com/watch?v=d-mR_W0EuYs

Photo Studio panin nasem te khatciat Target atutzawh keileh gawtna namnih koihsak a, ekbuktui dawnding leh tangtel “earthworm” nekding cimawk hi.

Hih Photo Studio ah kumtampi asemkhin numei khatzong ekbuktui dawnkha cihi. Tuanu in Chengdu Business Daily te tungah agenkhiatna ah hihbang in ekbuktui aki dawnsakna hangin nitampitak an nezolo, ankam limlo in ka omcip ci’n genkhia hi.

Related: China Eastern Airlines te vanlengkhat vanlengtual ah tutheipaklo in kilokgawp in mi 26 liam

Tua nasem numeinu in ekbuktui adawnkhak laitak Video pen Social Media tungah amuhkhak ciangin hehmahmah, khasia mahmah ahih manin Police Report bawlpah a, tuapan in ekbuktui adawnsak te kimankhiapah cih kiza hi. Sawltak #zomidaily