Kawlpi khuapua lam ah apuakkham khat om, mi 1 si, 1 liam

Kawlpi khuapua lam ah apuakkham khat om, mi 1 si, 1 liam

Kawlpi khuapualam Kalay – Tamu Highway lamzikpi tungah zanni 08:45pm hunpawl in apuakkham khat om cihthu Kalay News pan kiza hi. Tua apuakkham aomna munpen Kawlpi panin Tamu lam zuanin piakhialeng tai 9 pawl agamlatna mun aom Mawlaik Kalay acihna khua ah ahihi.

Athu pianzia pen Mawlaik Kalay khuasung, Kalay – Tamu Highway lamzikpi tungah vannengneng zuakna saineu khat om a, tuamun ah puakkhapna apiang ahihi.

Nitak 08:45pm hunpawl in hih saineu ah Aye Ko @ U Mg Puai akicipa vanlei in hongpai hi. Van aleikhit ciangin sai apualam ah Tin Mar Cho akici numeikhat tawh kiho in tukhawm uhhi.

Tualaitak in Aye Ko ii aliangah apuak thungkuah sungpanin hong puakkham a, Aye Ko ii aveilam aphei zangawp in amahzong sipah hi. Aki hopihnu Tin Mar Cho ahihleh amai ah liamna pawlkhat om a, sihlawh lianglo hi.

Asipa Aye Ko pen kum 28 pawl hi a, a thungkuah puaksung pan apuakkham ahihi. Apuakkham themte aki et ciangin C4 thauvui gim anei datkhau pawlkhat leh Battery themneng khawng kimu hi.

More: Singapore te Security ki limgin mahmah uh

Hih Aye Ko pen Police te genkhiatna ah lokho mikhat hi a, apuakkhapna munahzong palik te hongdelh in sitcianna, kancianna neiding uh cih kiza hi. ZD Sawltak #zomidaily Zomi khatpeuh in leitung thuthak atheihlawh dingin lamen hang. Zomi Daily ah nonghawh zelzel manin lungdam mahmah hi!