Malaysia, Penang State sungah migilo te mawtaw zat “Criminal Van” mawtaw khat anungpan in palik mawtaw 3 in delhin, kongzing kuacik simkhat ah atai laitak Video tomno khat nungsungteng Social Media tungah ki thehzak gawp hi.
Penang, George Town khuasung aom Campbell Street lampi sungah Police Patrol Cars 3 takin Van mawtaw khat adelh laitak hi a, tua Video Clip pen Second 18 khawngbek sawt hi.
Hih Video Clip aki khahkhiatcil in lamdang kisa mahmah in, Social Media tungah ki thehzakpah zihziah hi. Ahi zongin athu hoihtak aki kancian ciangin Video akizaih nahizaw a, ataktak nahisamlo hi.
“The Leaker” kici Hong Kong Movie khat akizaih hi a, hihbangin Campbell Street lampi zattheih nading inzong Local Authorities te tungpan in phalna angah uh kici hi.
Video: Dramatic video of police car chase is for Hong Kong movie
https://www.youtube.com/watch?v=GNfP7F2cE9U
Abeisa Saturday zingsang 10am panin nitaklam 7pm dong Video kizaihtheih nadingin Local Authorities te’n phalna Green Light apiaksa uh hi a, Filmforce Studio Sdn Bhd te hanciamna tawh Video akizaih ahihi.
Related: Penang ah numei nawngkaisak Uber Driver hangin mi 8 kiman khinta
Video Clip akimuhcil in Internet azang Netizens tampitak in atakpisa uh a, ki patauman dekphial hi.
Hih Video akizaihma in Campbell Street leh Kuala Kangsar Road tungah vanzuak in aom tezong zaksakna kineimasa kici hi. Sawltak #zomidaily
Comment piaknop aomleh...