Malaysia, Penang ah vankham Drug akigawm in RM23 Million manneiding kiman

Malaysia, Penang ah vankham Drug akigawm in RM23 Million manneiding kiman

Malaysia, Penang aom Customs Department te’n guihtheih khamtheih vankham “Drug” bekbek akigawm in RM23 Million manneiding mankhia uh cih theStar pan kiza hi. Tua Drug akiman tepen “Eramin 5 Pill” akici atangnek te hi a, Penang International Airport panin akimankhia ahihi.

Hihvai tawh kisai in Deputy Director-general Datuk Zulkifli Yahya in agenkhiatna ah tua Drug tepen Taiwan gam, Taipei City panin Penang, Bayan Lepas aom Penang International Airport ah hongkipua cihi.

MAS Cargo Complex tawh Taiwan panin Malaysia gamsung ah akipuak hi a, akigawm in Box 12 pha hi.

Jalan Perusahaan aom Penang Customs Department ah tuni Tuesday ni in hihvai tawh kisai in gencianna Press Conference kinei hi. Tualai ah Deputy Director-general in agenkhiatna ah hih Drug honpikhat Malaysia gamsung ah hongki puakding, hongki lutpihding cihpen zakkholhna “Tip-off” ka ngah uh cihi.

Tuabang in thusim zaksimna neikhin uh ahih manin, Penang Customs Department te’n abeisa ni 4 sung a etcik gige uh ahihi. Tuabang in a etcik gige hunsung December 17 ni zingsang 9am hunpawl in pasal 2 te’n vankham Drug honkhat puatakpi uh a, akimanpah ahihi.

Video: RM23mil worth of Eramin 5 pills seized at Penang’s MAS Cargo Complex

Tua vankham puate ii Cargo Items khempeuh pen aki ciaptehna Declare akibawlna ah setvan “Mechanical Parts” vive in aki ciamteh ahihi.

Ahi zongin tua Box 12 te avekin akisit ciangin “Eramin 5 Pill” kici vankham Drug bekbek akigawm in tang 1,541,000 pills tak aki mukhia ahihi.

More: Myanmar leh Thai gamsung ah vankham tampi ki haltum

Hihvai ah apanpih dingin aki ummawh Enforcement Office sungah asem kumpi nasem khatzong tuni Tuesday (Dec 26) ni in ki mankhia hi. Tua kumpi zumnasempa in hih Drug vankham te Malaysia gamsung aluttheih nadingin panpih hi ci’n ki ummawh in akiman hi a, adang akiman tetawh hoihtak in thusitna kineiding hi. Tulaitak hih Drug vaitawh “Section 39B of the Dangerous Drugs Act” thukhun zui in thu kibawl cih kiza hi. Sawltak #zomidaily