Malaysia, Ipoh ah Myanmar gammite kitawngin khatpa temtawh kidawtlum, 1 liam

Malaysia, Ipoh ah Myanmar gammite kitawngin khatpa temtawh kidawtlum, 1 liam

Malaysia, Ipoh khuasung ah Myanmar gammi khatin adang Myanmar gammi khatmah temtawh dawtlum cih theStar pan kiza hi. Numei khatvai hangin akitawng, aki dawtlum kici hi.

Tuni Thursday (Dec 21) zingsanglam 2:15am hunpawl in Ipoh, Pasir Puteh khuasung thupiang ahihi. Khuasung encik in avak kawikawi palik “Patrol Unit” te’n Restaurant ansai geikhat ah Myanmar mikhat aki dawtlum amuhkhiat ciangin athu akitheikhia ahihi.

Dawtlup athuakpa pen asanggam anaupa tawh aomkhawm uh hi a, adang pasal tawh numeivai hangin kitawng kinial in, tuapa’n temta tawh hihte unau adawtgawp cihi.

A uzawpa pen a awmsung leh anakguh teng temta tawh kidawtkha ahih manin, aphual mahah sipah hi. Asanggam anauzawpa penzong liamgawp in, amahbel silo hi.

Hih buaina akipatna pen temtawh adawtpa in numeikhat nawngkaisak leh nopnehbawl ahih manin, asipa in diksalo in tuahangin akitawng kitotna apiang cihi.

Hihvai tawh kisai in palik thunei ahi Ipoh OCPD Asst Comm Mohd Ali Tamby in agenna ah unau te lakah a uzawpa pen aphual ah sipah in, anauzawpa pen liamgawp ahih manin zato ah kipuak in, zatui kibawlsak hi ci’n genkhia hi.

Tua temtawh adawtpa zong Myanmar gammi khatmah hi a, unau te temtawh adawtgawp khitciangin aphual panin taikhia in kibucip cihi. Tua akitotna phual ah akitotnavai numeinu zong aom hihtuak a, temtawh adawtpa ataikhiat ciangin tua numeinu zong tonpih cihi.

Tudong kimanzo nailo a, ahi zongin temtawh adawtpa pen ami kuahiam cihpen kathei uh a, aki zonsan laitak hi ci’n palik te’n genkhia hi.

More: Penang ah Kawlgammi nih kitawngin temta tawh kidawtliam

Hih buaina, kithatlupna vaipen palik te’n “Section 302 of the Penal Code for murder” thukhun tawh Case bawl uh a, athu ala hoihtak kancian laiding uh cih kiza hi. Myanmar gammi cihciang bektawh ki suaktakphot a, akihelkha te ii amin apuam bangmah pulakna omnailo hi. Kuate ahizel diam? Sawltak #zomidaily