Africa gamah Pastor khatin tui aphum laitak awle in petlum

Africa gamah Pastor khatin tui aphum laitak awle in petlum

Africa gamsung aom Protestant Pastor khatin pawipi sungah apiangthak, pawllutthak te tui aphum laitak in awle in petlum cih BBC pan kiza hi. Hih thupiang pen Africa, Ethiopia gamsung ah abeisa Sunday ni zingsang khatin thupiang ahihi.

Tua awle (Crocodile) in apehlup Pastor pa ii aminpen Docho Eshete kici hi. Sunday zingsang khatin Lake Abaya akicihna bualtuipang ah mipi 80 bang tuiphumding in akithawi ahihi.

Tua Lake Abaya kici bualtui pen National Park tawh kinai mahmah a, bualtui luipangteng ah khatveivei Crocodile kimutheizel kici hi.

Nidangin tua bualtui luidung tengah ganhing tuamtuam kimuthei zelzel ahih manin, gamdangmi Tourist te’n muhnopsa in Tourist Attraction namkhat inzong aki ngaihsun ahihi.

Ahi zongin abeisa hunkhatlai akipan Lake Abaya bualtui sungah ngasa tawmsemsem ahih manin, awle te’n bualtui sungah anekding uh muhhaksa sasemsem uhhi. Tua ahih manin tua awle te’n anekding un mihingte mitsuan in neizawta uh a, tuinawl ah mihing aom atheih uhciangin delhpahpahthei kici hi.

Pastor Docho Eshete in amasa in mikhat tuiphum masa hi. Tuakhit ciangin adangkhat tuiphumding in kithawi leuleu hi. Tualaitak lamet hetlo laitak in Crocodile khat bualtuisung panin hong suakkhiavat a, Pastor papen petkhapahlian hi. Bualtui pen siangsitsetlo, puangpian sawnsawn ahih manin, awle pen kimupaklo hi.

Police Officer te genkhiatna ah Pastor Docho Eshete pen ngabeng te leh agei aomte’n hutkhiatsawm in hanciamtek mahmah uhhi. Ahi zongin Pastor pa ii anuntakna pen huzo tuanlo uhhi.

More: Malaysia pan UK gamsungah akipuak awle (Crocodile) 50 kiman

Anunung ah Pastor pa ahuhtheih uh ahihleh aluanghawm pen tuisung ah awle leh ngasa te’n anek thanggawploh nadingin aluanghawm pen ngentawh khuh uh a, tuipanglam ah kaikhiatheibek uhhi.

Africa gamsung ah aki tuiphum uhciangin bualtui ahih keileh luituinawl cihte zuantangtang in ki tuiphumthei phadiak uhhi. Ahi zongin awle te ii petdingpen lauhuaithei mahmah hi ci’n Telegraph News te’nzong gelhkhia uhhi. Sawltak #zomidaily