Thumasa.
Amasa in i vek in Pasian thuzui leh thu-um mite ihihi. Pasian cih itheih zawh kum 200 acingnailo Zomi ihihi. Ei upna san ciat aman pen ding a, lametna nei upna, neih hunlaitak ahihi. Ei munsan ahih kei leh ei mau upnasan azuilomite leh biakna pen Dawizah in amulai minam te kimakaih na huang sungah i ki khumbilh hun lai din mun ahihi. Pasian thu zui in Pasian nasem leh Pasian akiupsak phadiak zong ki om a, ahih hang tua te in PASIAN amu ngei hetlo te ihihi. Zomi sungah Dawibiak akikhel khitciang in Laipian pen Dawi zah in kimudah hi a, anihna ah RC pawlpi apiangthak thei mahmah lo dan in muhna omhi. Athumna ah Yahweh pawlpi Tuiphum pawlpi leh 7day pawlpi thugiltata thei ci in akhanglo theilo pawlpi namte ah muhtheihna ding thumutpu kihau mahmah ahihi.
Thumutpu te in bang thunei thei hiam?
Hih thumut pu te in thutaktak sang in mipilungkim nading ciamnuih tawh kipawl lam kin mahmah bilbel ahihi. Mipi te kicimlo hi . Kinuinui lel hi. Thutaktak asanding lah hi hetlohi. Thumutpu te mah in mintuamtuam kinei a, tuate in
(1) Pasian mizat (or) Pasian nasem micitak mahmah.
(2) Pasian sawltak na bang asem.
(3) Pasian hongteel ngiat kahihi cibilbel uhi.
(4) Ka nasep pen Kha nasep ahihi.
(5) Vission tuamtuam kanei hi. cihte ahihi.
Tua ahihman in hibang in Pasian minpau lap in Pasian mizat mitampi te Thusuaknei tampi leh Pasian nasem kumtampipi pha khin te in Pasian amungei khat zong aom kei hi. Pasian mumah ing aci aomphial leh zong Pasian in kua hiam? kicih sang in Pasian in oibanghiam? cih dot huai zaw ahihi.
Pasian in kua hiam?
Pasian in kua hiamcih dotna kibawl ding hileng’ Dawn kik theihna namkim ithei kim hi. Gentehna in Pasian in KHA hi. Pasian in NUNTAKNA hi. Pasian in nakhempeuh PIANNA hi. Pasian in MUNKHEMPEUH ah om hi. Adantuamtuam namtampi saikak genkak theihna om ahihi. Ahi zong in Pasian amu kuamah omlo zel ahihi. Upmawh thu tawh thumut pu sem in khasum ki sangsang thei lampi kisemsem kihi lel ahihi.
Thuzui mi khat in Pasian koibanghiam? Hongci leh?
Ei Pasian thugengen a, Pasian nasep zawh kum tuazah phata acici, leh Pasian mizat akicici teng mipi mai ah thu hong kidong hihenla.. Pasian koibang hiam? Mihing te mahtawh kibanghiam? Khut 2 Khe 2 nei hiam? alu ah sam anei hiam? Amah bangcia pha hiam? Miintang Taangtang cia maw? Bus cia maw? Ahih kei leh nakhat peuhpeuh lawh leh ciang Um leh bel , Tuhun vanzat TV , Computer te cia pha maw cih pen Pasian mizat akici te leh Pasian nasem mitampi te in agentheih loh ding leh agentheih hetloh thu ahihi. Banghiam cih leh Pasian in kuahiam cih pen genzia ol napi Pasian in koicibang mel ahihiam? cih daotna in genkik ding aol pak theilo dotna ahihi. Tua man in tuhun Pasian nasem leh Pasian mizat kici mitampi te in muh loh thu upmawh gengen a, nungta te ihihi.
Pasian amu mikhat bek om hi.
Biakna leh pawlpi tuamtuam ah Pasian mizat tampi te leh Pasian nasem tampi te in Pasian amuh ngei zenzen loh hang in Zomi sungah Pasian amu mikhat aom hi. Tua mipa inkua hiam? Nang leh Nang Pasian mizat nahih leh Pasian na mungei hiam? Koibang in Pasian nangmah tung ah hong kilak hiam? Napawlpi mite tungah Pasian hing kilah zia aliim leh meel nagen thei ding hiam? cih ahihi.
Thusim konggen dinghi.
Nang leh kei pen Pasian nasem tuak ihihi. Pasian mizat tuak ihihi cih i kibulh tuaktek hi. Ahihhang Pasian mittang in amulo tuak ihihi. Tu in Zomi ading in Pasian amu mikhat bekbek om ahihi. Tua pa in Pasian koibang in muhiam? cih leh..
M-13: 15 Tua khitciang in katutpih Vantungmipa kiang ah’ Kei Lai honghilhpa kamu khinzo hi. Nii tungaa, tuang khutsawm nei aa hongilangpa zong kamu khin zo hi. M 13: 17 Tu in Vantung kumpi alianbel kamu nuamhi. Ci in ka thum hi. Katutpih Vantung mipa in Vantungkumpi kua in enngamlo hi. Namuh nop leh nalungsim sungah amah koih( omsak) kawm in nakhutsung mek in. cih Vantungmipa in Pau Cin Hau sawl hi.
Vantungmipa sawlbang in alungsim sungah Pasian muhnopna koih in akhutsung amek kawmin Pasian aw naliimpi leh namel Navang liimpi hoinglak in ci-in akikoh teh Vanlaizang pan in munkhempeuh tan in tezeizai in akilang vantung kumpi pa kilak hi.
Tua teezeizai pen Pau Cin Hau in mutel theihlo in hongkumsuk in hongmutel thei kei ing ci in thum a, munkhempeuh atan khuavak tang pi kumsuk in vanlangzang ah akhawl teh limtak in mutel thei ahihi. Pau Cin Hau in Pasian amuhna ah Vantung innpi tawh hongkumsuk in mu hi. Amaa pumpi tungah niitaang in hongleng bang in ataang te mu hi. Ama pumpi in mun khempeuhtan in khuavaksang in tangzaw tham in mu hi. Tua akilang Pasian in akhut alangkhatlam sawm , alangkhat lam ah sawm kilang in mu hi. A anglai ah taang teipaak tawh kibang khat atungto in mu hi. Tua akilang avangtaang khut sawm nih nei vanglian pa pen Beem( Tanglai ansaal) tesang in golzaw lian zaw in kilang in muhi.
Khutnih nei leh Khut 20 neithu.
Thukhat ah Pau Cin Hau Pasian in khutsawm nih nei zen maw kici in ciamnuihna in kizang lel thei ding tulai khangthak tek khuak din mun ahihi. Mihinng te in khut nih bek nei hang a, khutnih nei mihingte bawl nalamdangdang leitungah bangzah in tam hiam? cih nanagih sun masa in. Khut nih nei in leisung suang mapha te theithei in lakhia thei hi. Tuite zang in meivak thei a, Tuitung lampi bang inzangthei hi. Huihte aniin asiang in khenthei a, Huih sungtawn in aw leh mel te te man thei lak kik theih na siam na in khutnih te siamna ahihi. Tua ban ah khutnih nei in Pasian bawl khapi leh Mars te tungah thukan thei uh a, Ei Zomite Khutnih nei napi neilo tawh akibang lai Pasian nasem leh Pasian mizat akici te ihihi. Tua man in Pau Cin Hau tungah akilang khut 20 nei in akilang vanglian pa in leitung mihing khutnih nei te sang in zah 10 in hauhna pilna adim piangkhiasak thei bawlkhia thei pa ahi Vanglian Pasian ahihi. Pasian minthangtahen.
Eite in Bangcia pha in bang ci bang kilang cih ih gen thei kei hi.
Pasian thu iki umsak mahmah tek a, Pasian nasem mahmah ikisa tek a, Pasian mizat ikisa mahmah tek hi. Mipi te in hong thupibawl ding leh vantunggam ah atungpenpen dingbang in Kum 25 cin, 50, cinna, 75 cinna Jubilee leh Pawibilkham nasiatak in ihbawl hi. Khuamual te ah Mualsuang ihphutlamlam hi. Tau te in Vantungsiansawn gamnuam ( or) Khamkhuapi note omna ding Khamkhuapi luah na ding in mark kipiak na zong hi hetlo ahihi. Pasian sem leh Pasian mizat kici te in Pasian pen bangci bang in mu a, bangci bang in kilang aa, bangcia pha hiam? cih dot na kibawl hileh miintang taangtangcia in akilang gen ding athei lo Pasian nasem leh Pasian mizat kici mitampi om ding ahihi. Pasian in mihing tawh kibang hi kibanglohi, Khutnei hi neilo hi. Khnei hi neilo hi. cih gen khiat theina thu kho Tulai Pasian nasem leh Pasian mizat kici te in agen theih loh thu ahihi. Gen mah leh zonmg uphuai nawn loh thu ahihi. Banghiam cih leh amamai ah Pau Cin Hau in Pasian omzia leh liim leh mel mukhin zo ahihi.
Thukhupna.
Tua man in Pasian nasem mitampitak te leh Pasian mizat kici mitampi tak te in Pasian amungeilo upmawh gen thu hi a, Pasian amu nuamtaktak leh amutaktak
vantungmite lamhilhna zui in amuthei bek pa in Laipian Pau Cin Hau ahihi. Tualai Pasian nasem te leh Pasian thu um kisa te in ivanglian min zat pen Pau Cin Hau leh Pia Nuam Dim tung pan piang Vanglian pa min iliimzat mahmah hi. Amau te thuzuihna leh Amaute tungah akilang Vanglianpa min pau lap kawm sa in Pasian nasem te leh Pasian mizat kicituam te lokhoselo Company nasep lut lo in nuntak theihna in Pau Cin Hau tungah kilang vanglianpa min kawmtawm leitawitawm tawh khuasathei ihih man in kipaak huai ahihi. Tua man in Pasian amu leh Pasian kilatkhiatna liim lehmel teltheihna in Pau Cin Hau tung pan kithei khia bek ahihi.
Hau Thang
Comment piaknop aomleh...