Pasian’ hong piak, Kha thupha (Job 32:8)

 Pasian’ hong piak, Kha thupha (Job 32:8)

Kha thupha tampite’ lakah, kei tungah kamuh
phat diak, Kha thupha khat hong gennuam
ing. Mite bangin pilna, siamna nei loin, leitung
hauhnate tawh ka kidim gawp loh hangin, Pasian in ahun hunin ama Kha Siangtho’
tungtawnin thu hoih, thu manpha hong
musak zelzel ahih manin, Kha thupha
asang khat hi-ing cih kei leh kei ka
kiphawk semsem hi. Thupha i cih
pen, mit aa muh theih, neih leh
lamh sum leh paaite bek na hi
lo zaw a, mit a muh theih ahi
lo, Pa Pasian’ Kha Siangtho’
tungtawn a i ngah thupha
pawlkhat zong na om den
mawk hi. Kei pilna leh kei
siamna tawh hi leh bel hi
zah ciangin thu hoih thu
manpha pawlkhatte pen
mukhia zo het lo ding
hi-ing, cih pen tel
mahmah ing. Eite’
biak Topa’ hoihna
hang bekmah hi.

Kha thupha leh leitung thupha aki
lamdan’na tawmkhat en suk lai ni.

• Leitung thupha in, Pasian tawh hong ki
gamlasak semsem a, Kha thupha in
Pasian tawh hong kinaisak semsem hi.

• Leitung thupha in, i kha mit tawsak in,
buaina piangsak thei-a, Kha thupha in
mitte vak sakin lungsim nuamsak hi.

• Leitung thupha in, duhhop huai hamnate
bekmah hong musak sak a, Kha thupha in
hehpih theihna hong nei theisak hi.

• Leitung thupha tawh lungkimna in, i kha
thanemsak a, Kha thupha ahih leh a kicing
thahatna hong guan hi.

• Leitung thupha in, hong deih behbeh sak a,
Kha thupha in hong piakhiasak sak nuam hi.

• Leitung thupha in, lam hong pialsak thei a,
Kha thupha in, lampi maan hong lak den hi.

• Leitung thupha in, siatna mun hong
tun’pih thei-a, Kha thupha in, hoihna
munah hong omsak den nuam hi.

• Leitung thupha in, lungnopna taktak hong
pia zo lo a, Kha thupha in lungnopna kicing
hong ngahsak hi.

Tua ahih manin, leitung thupha sang loin,
i hih thilthial hangin lungkia thanem pah
kei ni. Kha thupha a sang khat zong hi
thei hi hang. Topa’ kiang pana hong
pai hauhna leh nopsakna ahi, Kha
thupha mah deihhuaipen hi.

I phawk ding khat-ah bel, Kha thupha
leh leitung thupha khat bek ngah thei
ding cih hi lo a, Pasian in leitung thupha
leh kha thuphate hong piathuah thei veve cih ahi hi.

Pasian in a kicing hetlo keima
nuntakna sungah thuhoih thu
manpha hong piak hun simin
ka bulphuh mahmah Lai Siangtho;

“Ahi zongin, mihingte tungah a hong
tung pilna pen Vanglian Pasian Kha
in a hong piak ahi hi.” Job 32:8

Topa’n minthan’na khempeuh tang
tawntung ta hen. Hallelujah. Amen!

Ahun hunin ama kiang pana hong
pai, Kha thupha hong ngahsak zel,
Topa’ tungah lungdamna lianpi tawh,
Khazih sungah,

David Tuang