Pasal khatin zi 13 nei in azi te naupaai hun kibang kimtek

Pasal khatin zi 13 nei in azi te naupaai hun kibang kimtek

Oct. 30, 2016: Nigeria gamah pasal khat in zi 13 nei a, a zite uh a gai/naupaai kha uh kibang kim ahih manin world record thak ngah hi. World record thak a ngah bek hilo in a zite uh kitawng kisel se loin kituak mahmah uh a, lungnuam takin innkuan khat bangin om khawm thei uh hi.

A zite a gaai uh lungdam tek uh a, khat leh khat kinosiat in, kilungdampih tek uh hi. Hih thu pen May 16, 2016 in news tuamtuam ah kisuaksak a, tu teng social media tuamtuam ah kizeel (viral) ngeingai hi.Nigeria gamah zi tampipi neih kiphal ahih manin hih pen thukham tawh kikalh lo hi.

Hih zi 13te khat leh khat kamdam in kiho in, khat leh khat a cidamna uh leh cidam lohna thute (wellbeing) uh kidong in, gen khawm in, kituak mahmah uh hi. Hih zi 13 neipa pen khatvei thu in zi 13 a naupaai hun uh kibang a piangsak masa pen hi lai hi.

Hih thu pen a lamdang mahmah thu hi a, a zite naupaai hun pen a tawm pen in nipi kal 3-5 kikal ding kisam hi napi-in a naupaai hun uh a kha kibang hi. -My Central Heath/Daily Mail/ Thang Khan Lian