Paletwa ah galkap khatin numeino abuankhit ciangin thatlum

Paletwa ah galkap khatin numeino abuankhit ciangin thatlum

Myanmar, Chin State sung aom Paletwa ah galkap khatin numeino khat zawhthawh thutawh abuan (Rape) khitciang in thatlum cih Aung Htay Lin FB tungpan kiza hi.

Tua buan athuak numeino pen amin Sandar Phyo kici a, Paletwa Myone sungah ateeng Chin numeikhat ahihi. Sanginn pan innlam zuanin aciahlaitak Tatmadaw 33 (Myanmar Armed Force) tetawh kituak in buaina apiang cihi.

Tua Tatmadaw 33 (Myanmar Armed Force) lakah akihel Mg Mg Htun kici Sergeant khatin sanginn pan aciah Sandar Phyo pen zawhthawh thutawh buangawp a, abuankhit ciangin agawl temta tawh atsak in thatlum cihi.

Sandar Phyo pen Tan 10 akah laitak hi a, mibuan leh mithatpa pen tulaitak palik te’n mankhin in, Police Station ah aki keplaitak kici hi.

Ahi zongin Sandar Phyo abuan leh athak Sergeant Mg Mg Htun pen Police te’n bangmah thu bawlsawmlo cihthuzong kiza cihi.

More: Hakha Myone, Bungzung khua ah Kawl pasal khatin numeino kum 6 khat buan

Tatmadaw 33 (Myanmar Armed Force) tepen Paletwa sung anawkkhak uhciangin khuasung mipi te tungpanin anektawmding uh ngenden, laksakden kici hi. Innkhatkhit innkhat lutkawikawi in, antang, sathau, ak leh nektheih tuamtuam ngenkawikawi uh a, apia nuamlo te thautawh hongkapding ci’n khuasung mipite lauthawngsak in adeihteng angah mateng un zawhthawhthu tawh laksak uh cih kiza hi. Athu akicianzaw in aki pulak aomleh ahunhun in Update bawltoto ni. Sawltak #zomidaily