Pakistan vanlengtual ah Malaysia IS member khat thauvan honkhattawh kiman

Pakistan vanlengtual ah Malaysia IS member khat thauvan honkhattawh kiman

Pakistan gamsung ah Malaysia gammi khat thauvan honkhat tawh kiman cih theStar pan kiza hi. Tua akiman Malaysia gammipa pen Islamic State tetawh akipawl IS Member khat hiding in ki ummawh cihi.

Pakistan gamsung ah alutlaitak in vanlengtual ah avanpuakna Luggage aki sitsak ciangin, asung Luggage Compartment kawmkal ah thau leh thautang honkhat akiselsim ki mukhia hi.

Pakistan’s The Express Tribune te pulakna ah tua akimanpa ii aminpen Al Muhd Alfie Kqhyriel ci uh a, Jinnah International Airport ah tuni Saturday (Dec 23) ni in akiman cihi.

Malaysia gampan in Pakistan gamsung zuanin Thai Airways Flight TG 342 tawh alutlaitak in avansung ah thauvan hiamvan tuamtuam kimukhia ahih manin, Pakistan Authorities te’n amatkhiat uh ahihi.

Pakistani Authorities te pulakna ah tuapa vanlak panin akimukhia tepen Pistol bekbek 4, thautang Bullet 70 leh thautangmah Ammunition Magazine 8 ki mukhia cihi. Pawlkhat pen avansung Luggage Bag sungah aselsim hi a, pawlkhatpen akhedap Shoes sungah aselsim cihi.

Hihpa pen IS tetawh kizom in a gitloh gamtatsawm hiding in ki ummawh ahih manin, thukan “Intelligence Agencies” te’n limtak thu asit laitak uh cihi.

More: Kawlpi, Tahan akipuakding thau honpikhat lamkal ah kiman

Malaysia gamsung ah palik makai ahi Inspector-General of Police Tan Sri Mohd Fuzi Harun inzong hih Pakistan gamsungah Malaysia gammikhat kiman cihpen atakpimah ahihlam gencianna neikhin hi. Malaysia, Sarawak State sung aom Serian khuasungpan hi a, kum 20 gualpawl hiding hi ci’n genkhia cihi. Sawltak #zomidaily