Pakistan vanleng khatkia, mi 47 si

Pakistan vanleng khatkia, mi 47 si

Pakistan Airline khat tuni vanlengtual panin alengkhiatlim asawtlo in Airport Ground Control tawh ki thuzakna kitat in, gamsung ah kia cih Fox News pan kiza hi. Hih vanleng tungah mi akigawm in 47 atuang ci a, avek un anungta omlo in sikhin uh cihi.

Akia vanleng pen Pakistan International Airlines ATR-42 Aircraft namte hi a, Northern Chitral Region panin alengkhia hi ci’n Airline thuneite’n genkhia uhhi.

Hih vanlengkia sungah Pakistan panin aminthang khat ahi Pop Star, Actor, TV Presenter khat kihel ci a, aminpen Junaid Jamshed ahihi.

Tuaban ah hih vanlengkia sungah naupangzong nih kihel cih kiza hi.

Pakistan National Carrier ahi hih vanleng thunei te’n Statement abawlna ah akia vanleng pen Flight PK-661 hi a, Chitral City panin Islamabad lamzuan in alengkhia cihi. Tuapan in Traffic Controllers tetawh kithuzakna omnawnlo in, kia cih kithei cihi. Vanleng tungah atuangteng pen avek in sikhin dinghi ci’n Airline thunei te’n genkhia hi.

Airline spokesman Danyal Gilani ii genkhiatna ah vanleng tungah atuang mi 37 tepen khualzinmi Passengers cihi. Airlines te ii Statement bawlna ah vanleng tungah atuang limlim pen mi 40 khawng hiding ci uh a, Civil Aviation Authority te ii genkhiatna ah atuang limlim pen mi 47 ci uhhi.

More: US in Japan te tui a tumtheilo vanleng puakna kisam

Nungdiak mahmah in Brazil Football siamteng honkhat in vanleng tuahsia in hongsihsan khin uh a, tu’n Pakistan vanleng kiatna hangin Pop Star, Actor, TV Presenter minthang khat sileuleu hi. Adang asi te ii amin akician in pulak khianailo uhhi. ZD Sawltak #zomidaily