Pakistan gamsung ah meileng ki phukha, mi 6 si, 150 val liam

Pakistan gamsung ah meileng ki phukha, mi 6 si, 150 val liam

Pakistan gamsung ah Thursday ni zingsanglam in meilengnih ki phukha ahih manin, mi 6 si a, adangzong mi 150 val liam cih AFP News pan kiza hi. Hih tuahsiatna apianna munpen Pakistan gamsung Multan City gei ah hi a, tuni zingsanglam 2:30am hunpawl ahihi.

Stationary vanbekbek apua meilengkhat in meileng lampi akankhat nawkkha ahih manin, meileng lampi tungah adinkhawllaitak anungpan in Passenger Train khatin aphukha ahihi. Tua Passenger Train pen Awami Express hi a, hih meileng ahawlpa pen kimawhsak mahmah hi.

Amai ah meileng akhawl om cih kilak himahleh Karachi khualam zuanin Awami Express atailaitak phusuksuak hi.

Pakistan gamsung ah meileng tuahsiatna pen kizamun mahmah hi. Meileng lampite zong Investment omlo, Management ginalo, golhguk nekna Corruption tamlua ahih manin, hoihtak kipuahlo cimawk hi.

Nungkum November khasung in Pakistan gamsung Baluchistan Province sungah meileng khat Brake ngahlo, kisia ahih manin mualtungpan lengsuk a, mi 19 si ngeikhin hi.

2015 July khasung inzong Military Train khat lei akantan khitciang in guamsung khatah kiasuk ahih manin mi 17 in sihlawhngei uhh. ZD Sawltak #zomidaily