Pakistan galkapte dinga upmawh te’n India galkapte a ngawngtansak
Nov. 23, 2016: Zan in Pakistan galkapte dinga upmawh ten gamgi LoC kiim Jammu and Kashmir state sunga Kupwara district sunga om Machchil sector ah India galkap pangsim in na kap in, India galkapte thum kaplum uh hi ci-in Indian Army Northern Command Shashank in gen hi. Sihna tuak galkapte pen Rajasthan state mi kum kum 25 a upa Prabhu Singh, UP state mi tuak, kum 31 a upa K.
Kushwah leh kum 25 mi Shashank K Singh ahi hi. Pakistan galkap ten India galkapte khat sem gawp (mutilated) in a ngawngtansak (decapitated) uh hi. Tua loin gamnuaimi ten Machchil sector sung mah ah LoC kantan in October 28 in India galkap Mandeep Singh that in, a taksa semsak gawp uh a, tua khit in a ngawng na tansak uh hi.
Hih thupiang hangin India galkapte thangpai mahmah uh a, a kilawm bangin kithuk kik ding hi ci uh hi. Pakistante khuapi Islamabad a Indiate’ foreign office ah deputy high commissioner len JP Singh in zong Pakistan in ceasefire thukimna palsat a, Pakistan galkap ten nautangte pheng kap in, tampi liamna leh sihna tuak hi ci-in Pakistante gamtatna a mawhsakna thu director general (South Asia and Saarc) Mohammad Faisal tungah gen hi.
Pakistan hih thupiang a thei lo bangin a kam kek nai lo a, nung kal in bel India galkap ten Kashmir panin Pakistan galkapte galkap in Pakistan galkap sagih hong kaplupsak uh hi ci-in India galkapte ngawh uh hi.
September 18 in Pakistan gambeel gamnuaimi ten India galkapte phual Uri Sector ah va suam uh a, galkap 17 in sihna tuak hi. Hih galkapte kisuamna thuk kikna dingin India galkap ten LoC ah Pakistan gamnuaimite training campte va kapsak (surgical strike a kici) uh a, gamnuaimi 50-60 kiim va that uh hi. Tua khit nung kikaptuahna leh gamnuaimite gamtatna hangin India mi 18 in sihna tuak ta hi. Pakistan ten India galkapte mi nih a ngawng a tansak masakna uh leh a ngongtat masakna uh hilo a, 1999 Kargil gal lai-in zong Pakistan ten India galkap 4 Jat Regiment kicite nga na hingmat uh a, tuate that uh hi.
More: Twitter tungtawn in Malaysia gammakai agensiapa in RM9500 liautuak
Autopsy report in Pakistan galkap ten India galkapte zahmawh tansak in, a khutte uh tansak in, a hate uh sat khiatsak in, a nak leh a bilte uh at khiatsak in, a lute uh satkhapsak uh hi ci hi. January 8, 2013 in zong Pakistan galkapte India gamah hong sim lut in, India galkap Lance Naik tuak Hemraj leh Sudhakar Singh sa semsak gawp in, Hemraj’ ngawngtansak uh hi. Source: The Hindustan Times/ Thang Khan Lian
Comment piaknop aomleh...