Pakistan gamsung ah Christian innkuankhat sungpanin mi 4 thautawh kikaplum

Pakistan gamsung ah Christian innkuankhat sungpanin mi 4 thautawh kikaplum

Pakistan gamsung aom Christian innkuankhat Monday ni in thautawh kikaplum cih Reuters pan kiza hi. Tua Christian Family tepen Southwestern Pakistan gamsung ah Monday ni in aki kaplum ci a, innkuan Family khatsungpan mi 4 tak thautawh aki kaplum ahihi ci’n Police te’n genkhia uhhi.

Tua innkuan tepen Baluchistan Province sung aom Quetta City sungah Rickshaw tungtuang in avaklaitak uh ahihi. Tualaitak in Motorcycle tungah atuang pasal khatin thautawh akaplup ahihi.

Numei khatpen liamin zato ah kipuak hi. Apa leh asanggam Cousin 3, akigawm in mi 4 tepen aphual ah sipah uh cihi.

Hihvai tawh kisai in Provincial police official Moazzam Jah Ansari in agenkhiatna ah Motorcycle tawh atuang pasalpa in hihte innkuanpen angimngiat, Target ngiatin akaplup hiding hi ci’n genkhia hi.

Pakistan gamsung aom Christian Community te’n Topa Zeisu thawhkikni Easter Sunday pawipi abawlzawh azingciangin hih Christian Family te kaplup athuak uh ahihi. Pakistan gamsung ah Christian pen citawm mahmah in, agambup miphazah ii 2% khawngbek Christian ahih manin kisimmawh mahmah hi.

Adiakdiak in acitawm namneu te ii pawite ahi “Minority Religious Festival” khatpeuh aom ciangin kibawlsiatna omnuam phadiak hi. Pakistan gampen Sunni Muslim te gam hiphadiak ahih manin, Christian leh Shi’ite Muslims tepen abeisa inzong tamveipi bawlsiatna thuakden uhhi.

More: Egypt Christian biakinn sungah thautawi khatin mi 11 kaplum, mi 5 liam

Nungkum December khasung, Christmas atun madeuh inzong Southwestern Pakistan aom Christian Church khatah mipi atam mahmah laitak in Suicide Bomb 2 veitak ki puakkhamsak hi. Tua Bomb puakkhapna hangin mi 10 in sihlawh a, adangzong mi 56 bangin liamlawh uhhi. Tuabangin Christian Church ah Bomb asukham pen Islamic State (IS) te’n ko ii gamtatna hi ci’n pulakkhia uhhi. Sawltak #zomidaily