Pakistan ah meileng kiphukha, mi 17 si, 50 val liam

Pakistan ah meileng kiphukha, mi 17 si, 50 val liam

Pakistan gamsung ah meileng nih kiphukha ahih manin mi 17 sikhin a, adangzong mi sawmval liam cih AFP News pan kizasawn hi. Meileng kiphutkhakna munpen Pakistan gam ii leitawlam aom Karachi khuapi ngei ah hi a, Thursday ni zingsanglam in aki phukha ahihi.

Ageipan amukha khat ii genkhiatna ah meilengkhat pen Quaidabad Railway Station lamzuan in hattak in lengphei zalzal in meileng akhawl hithiat in aom akhatpen phuphei cihi. Tuapan in mite awkziahziah, kuziahziah uh a, dipkuat huai mahmah hi ci’n genkhia hi.

Meileng adawlsia te sungah a awkcip te ahunkhiading in Resucue Team te avanzat te uhtawh kithawipah uhhi. Tuate tawh galkap te, palik te, AFP Journalist te tuahsiatna munah taipah zangzang uhhi.

Meileng khat ii Engine pen siazancip kici a, bangci siat cih akician in kitheinailo hi.

Karachi khuapan kumpi thunei te genkhiatna ah hih meileng atuahsiat laitak in meileng tungah Passenger mi akigawm in 1000 valbang phading ci uhhi.

Karachi’s Jinnah Hospital panin thugenkhuan anei khat ii pulakna ah mi asi pen 17 phakhin cihi. Adang aliam zong mi 50 val zato hongtungkhin ci’n genkhia hi. ZD Sawltak #zomidaily