Pakistan nungak melhoih simtham leh Social Media tungah aminthang mahmahkhat asanggampa in thatlumgiap cih AFP News pan kiza hi. Pakistan pen Muslim biakna akhauhmahmah gamkhat hi a, hih nungaknu pen amahleh amah Selfie photo leh video tuamtuam kizaih in, Social Media tungah Share khiazel a, apakta aom mahbang in dik asalozong honkhatmah omzel hi.
Tua nungaknu minpen Qandeel Baloch kici a, ama ngaihsutna ahihleh numei pasal ki deidanna aven nading leh numei te pen innsungtawn ah aki diahcipding bek hilo cih numei te hanthotna in Social Media ah ama ii gamtatna te akhahkhiazel ahihi.
Tuabang in Online tungtawn in agamtatna te asanggampa in diksalo ahih manin agawl meklum cimawk hi. Police te genkhiatna ah aki thahlup uhpen Friday ni ci a, Multan City ah aki meklum uh ahihi.
“Honour Killing” ci’n hih biakna te pen amau ii biakna kalsuanzia uhtawh ki lehbulh asak tepen hihbang in ki thatlup ziauziaumawk uhhi. Pakistan gamsung ah kumsim in hihbang in aki thatlum numei tampitak omden cimawk hi. Tuabang in aki thatlum te pen a innkuanpih dangte inzong phamawh sakhollo uh ahih manin, kimaisaksak lel uh hihtuak hi.
Hih Qandeel Baloch ii kithahna zong pawlkhat in Social Media tungah thukimpih mahmahmawk uh a, akhutkhial ahi asanggampa pen mawhsaklomawk uhhi.
YouTube ah aminthang mahmah a Video Clip khat
https://www.youtube.com/watch?v=PtD72-js8dQ
Midang ahihetlo asanggampa ii thahlup athuakliang nading in bangteng Facebook ah suaksaklianghiam cih na etnopleh hih link ah nahawh in. https://www.facebook.com Palik te’n asanggampa azonsan laitak cisam uhhi. ZD Sawltak #zomidaily
Comment piaknop aomleh...