Pa te’ Zaleenna (Father’s Rights)

Pa te’ Zaleenna (Father’s Rights)

Leitung ah Numei meelhoihmahmah a hizong in ,numei meelsia mahmah ahizong in, Pasal aneih uhciang meigong zizon cihbangdaan in amawkmawk amemmem nadeih hetlo se uh in asangpeen mah apilpeen mah leh amoipeen mah nangimgige uha tuamahbang in numei atamzaw in khatpeuhpeuh cilo in Pasal gina neihding alungtuplian peen uh ahihi. A hizong in Pasal te leuleuciang zawngkisa ahihkeileh kumtamsim kisapian le uh khat peupeuh maai a suakpeuhpeuh ci in atuahbangbang uh neihsuklelding lungsim kizawhna nei uhhi. Ahangpeen mihing nuntaakna sung ah Pa kician Pa gina lo in piangtheilo kikhuasazolo cihna ahihi.

Zomi te peen Pasal tawh khangkisimte ihihban ah Pasal neilo tanei numei te ahizong in Pa neilo naupangte peen meigong tagah kicisese in kisimmawh a akisimmawhbang mah in Pasal neilo numeite Pa neilo naupangte kheempeuh peen Pa nei te zah in alungsim uh khamuangneilo ban ah thaneemzaw tawntung uhhi.

Adiak in Zogam ah Pa te peen ginaluazaw ahihman in kiteenkum ongsawt pianciang zi te cimtaakna, zawhthawhna cihte ongtamphadiak a Numeite kizawhthawh ahihkeh kisimmawh lualiangzaw in vua,saat,maa, zidang neihsan, na avaalkaan in seemsak cihbang in Pasal pawlkhat in zi te nuaisiat in bawnghawl sialhawl in hawlzawzeen uh a Pa te thuneihna azaleenna uh khengvaal in zangkha pahpah uhhi.

Tuamahbang in Tatezong Pa ten zawhtawhbawl in saat,vua ,khaukhih ann ngolh cihbang in Pa thuneihna avaalkaai in zangh in ta pawlkhatbang haizo cihbang , Pate sikhabang in lau cihbang in aomtampitak om hi. Pa pawlkhat bang in Kata pa/nu ta ahihnapan kapaaikhiata hi ciliang in mipizaak in ataangkobang ki om zawzen hi.

Gamthumna icidiam Gamhoih gamnuam icizawdiam gamte leuleu ah Zogam sungtawh kilehbulh leuleu in Pasal te in Zi te peuhmah vuangam, saatngam cihthadah in pawlkhatte bang thumangphakei leh azite un abilpan kaaigenggeng in tuding tuding 50 veibang hihsakphot in gimnalianpi thuak uh a, pawlkhat te leuleu Niiksawp, nau annpia, naucing in thapaai in aduhkhat uhzong genngamlo in cilvalh sa in khuakha giaugiau tazen uhhi. Pawlkhatte leuleuciang gamnuam atunzawh sawtpi hita na asepzawhzong sawtpi himah leh sum acih mungeilo in zi lau in lingtantanliang uhhi. Zi te in gamnuam atun uhciang human Rights kicipeen simkhialkha in Women Rights suaksak hiau in akhengvaal in athuneihna azaleenna uh zangkhazeel uh ahihman in Pa pawlkhat bang gamsung ah amaubekpaai in zipultunghen ow ci in awng auau liang uhhi.

Gamnuamte a Tate pawlkhat leuleuciang a Pate thudot a neinawnlo , pausiamlo pautheilo cin taten simmawhbawl, hapgaakgaak, teekkhin guaikhintaleh naseemding sawlkawikawi, Pate khawng zumtun, thuneite mansak, pate lunggimsak, sum le paaizong apnawnlo cihbang in pate agawt pawlkhat ki om leuleu hi.

Hih atung a thunihte saaikaakkawmsa in tukum 2013 Pa te ni ah Zomi Pa akuamapeuh in isuahtaakna izaleenna Rights uangzatlualo in Pasian deihnatawh kituak in I innkuansung makaih in kalsuanding hang a Nu le Tate in zong ipasal, ipa te ahiciangkhat thuneihna zaleenna Rights Pasian deihna tawh kituak in piakimciat ni cih ikihanthawn nuam hi.

Thang Khawm Pau