10000 Sanga Tam Zaw (10000 reasons by Matt Redman)
A masa in tulai taka Biakna leh Phatna (Praise and Worship) la minthang mahmah “Tul sawm sanga tamzaw” cih Matt Redman phuah pen Singapore a Sia Kim Pau, Pastor, FGA in Zokam tawh hong teisak ahih manin nakpi takin lungdamhuai kasa hi. Zokam tawh hong teisak bek hilo in amah mah in siamtak in sa in Youtube ah et theih dingin hong guansak ahih manin thupi kasa sawnsawn hi.
Hih la pen hoih ka sa mahmah a, a phuakpa Matt Redman zong siam kasa hi.
Pasian phattaak ahih dan, a min siangtho ahih dan, i nuntakna a bei khit ciang in i kha nangawn in a phat tawp loh dinga deihhuai Pasian ahih dan hong gen hi. Zingsang ni suak leh huihdam nungte, nitak khuamial tawldam huai takte, sun leh zan a hunhuna kikhelte a tawldamhuai dan hong lak hi. Pasian mahmah zong lungsim itna ‘kicing’ a neihdan, kum tul sawm bek hilo kum tul tampi nangawn in lungdam in phat hileng a kiphat tawp theihloh ding dante hong lak hi.
Zola worship song: 10000 sang a tam zaw! ( 10000 reasons by Matt Redman)
https://www.youtube.com/watch?v=Muns91Hs90k
10000 Sanga Tam Zaw
– Translated by Rev. Kim Pau, Singapore
Sakkik:
Topa aw hong phat ning
Hong phat ning
Na min Siangtho phat ning
Ka kha aw Topa min
Phat den in
Na min Siangtho hong phat ning
Zing ni hong suak, Ni thak khat hong hita
Phatna late sak hun hong tung
Bangbang a piang zong ka mai ah bangbang a om zong
Nitak ciang zong na min hong phatsak in
Itna tawh dim, a heh hak Pa Pasian
Na min in lian, Na lungsim zong hoih
Na hoihna la in sasa in hong phat ning
Tul sawm sang a tam zaw lungdamna tawh
Aw tua ni ciang ka hatna hong bei ding
Hun tawp hong nai, ka hun hong tun ciang
Phatna la sa veve ning a tawntung
Kum tul sawm tul then leh a tawntung in
——-
10000 reasons by Matt Redman
Bless the Lord, O my soul
O my soul
Worship His holy name
Sing like never before
O my soul
I’ll worship Your holy name
The sun comes up, it’s a new day dawning
It’s time to sing Your song again
Whatever may pass, and whatever lies before me
Let me be singing when the evening comes
You’re rich in love, and You’re slow to anger
Your name is great, and Your heart is kind
For all Your goodness I will keep on singing
Ten thousand reasons for my heart to find
And on that day when my strength is failing
The end draws near and my time has come
Still my soul will sing Your praise unending
Ten thousand years and then forevermore.
Laphuakpa:
Matt Redman (http://www.mattredman.com/) pen Brighton, England khua ah teng hi in a zi Beth tawh ta 5 nei uh hi. Nidang in Passion City Church, Atlanta, USA tawh kizom ngei uh hi. Kum 20 a phak pan la makai sem khinta a, gam tuamtuam – South Africa, India, Japan, Australia, Germany, Uganda, Croatia, Czech Republic te ah zin ngei khin hi. A laphuah masakte zong a minthang mahmah pawlkhat om hi.
1. The Heart of worship
2. Better is one day
3. Once again
4. Blessed be your name
5. You never let go
6. You alone can rescue
Hau Za Cin
Phuitong Liim
www.hauzacin.blogspot.com
Dal says
Mi phat tenga, ih suk buai, ih to buai sangin, Sya Kim Pau banga direct Pasian phat pahna etteh huai! A zia maan tawh Pasian masak peuh lehang Pasian in mi maan ong guan a, phatna le biakna tawh mite’ lungdam nading hanciamna ah Pasian kihel lo thei hi. Pasian lo tawh mi tul sawm ngah sangin Pasian tawh mi nih le thum bek ngahna hoih zaw lai hi. “For where two or three are gathered in my name, there am I among them”. Matt. 18: 20