Pa Lukas Kap Sawm Dal – Buansing Beh (kum 31) in hongnusia

Pa Lukas Kap Sawm Dal – Buansing Beh (kum 31) in hongnusia

ZCCM in Misi Vuiding (Malaysia) – Pa Lukas Kap Sawm Dal – Buansing Beh (Kum 31) in lamet hetlohpi in a nasepna innpan ihmu suak in a Pa kiangah hong zuatsakta hi.

A nasepna Kepong huamsung ah nasem a man khin inn ciah in a zingteh 28th January 2015 zingsang tho nawnlo in ihmusuak hi. A ompih a lawmte in Selayang zato na puaksuak pah in zato tunteh a nuntakna a bei a hihlam kitelkhia hi.

Pa Lukas pen Lezang khua, Tedim huamsung, Zogam pan hi a, tulaitak in Zogam khuapi Tedim (Sakolam) teeng laitak hi. A nuntak bangkua sung kilamzia pen;

• Pu Pum Khan Kap (RIP)
• Pi Lian Khua Man sungpan piang hi.
• Pa Lukas ii nusiatlai a zi a tate;
• Nu Vung Lian Dim (Anlangh khua)
• Tg. Pau Za Nol
• Lia Niang Sian Nem
• Tg. Khup Sian Muan
• Lia Man Ngaih Mang
• Tg. Sang Ngaih Lian hi in tulaitak Zogam ah omlai uh hi.

Pa Lukas pen innkuan sung nuntakzia hamsatna hang tawh Malaysia gam hongpai hi a, hong tunzawh sawt naili hi. ZRC kipawlna ah pawllut mi khat a hihman in Pa Lukas ii hun nunung vai khempeuh ah mawhpuak hongla in ZCCM in a nuai abang in Catholic ngeina bang in Missa biakpiakna ah makaihding hi.

• ‪#‎Ani‬: 30th January 2015
• ‪#‎Ahun‬: 11am in Rev.Fr. George (Parish Priest of St. Joseph Church) makaihna tawh missa biakpiakna omding
• ‪#‎Amun‬: St. Joseph biakinn, Sentul, Kuala Lumpur
• ‪#‎Bus‬: U 2, U2A, U10 le U224 te tung hi. Sentulraya bus stand ah tuak leng bus stand pen biakinn mai hipah hi.

Catholic ngeina tawh St. Joseph biakinn ah missa biakpiakna aman khitteh Songai Boluh han ah a luanghawm kivuiding hi.

Adah akap a innkuanpihte le a nuasiat a zi a tate tawh kibang in kidah mahmah hi. Biak Pa Pasian in a it mimal kuamah kuamah khempeuh hehnepna tawh hong ompihsak tawntung ta hen. Francis Khampi