Ol tak a belsungah Dragon Fruit နဂါးမောက် ciindan ~ AS Thangbawk

Ol tak a belsungah Dragon Fruit နဂါးမောက် ciindan ~ AS Thangbawk

Hih nagamauh ciin nading bel pen a zaina pi 2, a thukna pi 1.5 peuhmah kisam hi. Tua bel (lawh, ip cihte zong ki ngah hi) sungah lei mawkmawk a zah 1, leimuat (leihoih) a zah 2, bawng ek a zah 1, singteh muat a zah 1, sehnel a zah 0.25 leh ak ek a zah 0.25 helkhawm in koih ding hi.

Tua khitciangin bel te sungah N 40, P 60 leh K 20 (N:P:K- 40:60:20) hel in koih ding hi. *N- pen ek leikang, P- eklei vom leh K- ekleisan hi. Furadan zatui 5g zong leibelsungah koih pah ding hi.

Tuabangin hoihtal a kibawl leibung sungah nagamauh no suan ding hi. (Kung 1-4 bang kisuan thei hi.)

Tui a kawtkhom mial piazel ding hi. Ni 30 hongphak ciangin N 400 P 600 K 200 gram te tui gallon 52 sungah phiau ding hi. Nagamauh kung khat ciangin tua tui 0.5 litre buak ding hi.

Ni 60 ciangin N 1000 P 100 K 400 hel in a ngeina bangin buak ding hi. Ni 90 ciangin 1000:1200:600, ni 120 ciangin 1200:1400:800:, kha 5 ciangin 1400:1600;1000, kha 6 ciangin 1600:1800:1200, kha 7 ciangin 1800:1200:1400 cihdan in helkhawm in buak ding hi.

Kha 8 ciangin a gah kilo thei ta hi. A gahkhit (kha 8 pan kipan N 1800 P 2000 K 1600 helkawm in kha khat 4 veita buak (kap) ding hi.

Lungno dalna zatui leh natna (မှို) zatui te ni 7 hal in kap zel ding hi. A kung ( ateh) pen pi 4 pan in tankhia pahpah ding hi.

Hih nagamauh pen pum khat 500ks bangin ki zuak hi. Tua ahihmanin a ciinhuai mahmah singgah namkhat hi kici thei hi. Khua lumna gam ah hoihphadiak hi. AS ThangBawk