Nyaunglebin Tonu pawi, Cardinal thak muakna leh pahtawina

Nyaunglebin Tonu pawi, Cardinal thak muakna leh pahtawina

Dear All,
Nyaunglebin Tonu pawi , Cardinal thak muak na leh
pahtawi na thu tawm ( Kei muh na bek) ( A lunglut te bek in na sim un)

1. Tukum 2015 ( 113)veina Lourdes Tonu pawi pen Feb. 20 ni in
Nyaunglebin Myo ah kumdang bang mah in, Novena tawh ki pan in March
1, 2015 Sunday ni in man ta hi.

2. Feb. 28, 2015 ni Saturday ni 6:30 a.m – 9:00 a.m ciang the 1st
Cardinal from Myanmar( Myanmar’s First Cardinal ) a hi Cardinal His
Eminence Charles Bo Missa bawl na, Cardinal pa pah tawi na, muak na
leh letsong piak na te om hi.Leitung pian zawh Kawlgam Catholic te pan
in a masa pen Cardinal suak a hih man in mipi te ki lungdam thei mah
mah hi.His Eminence Cardinal Charles Bo pen tu in a kum ( 63 ) bek pha
pan hi.

3. Cardinal Charles Bo pahtawi na leh muak na Pontifical Solemn Mass
ah Bishop ( 10 ) Cardinal pa tawh ( 11 ) pha hi.Phungzi te ( 100 ) val
, Sister te zong tua bang mah hi in, mi pi pen kumdang sang in tam zaw
lai hi.Mipi te pen tul 50 ( 50,000 ) bang a tawm pen hi ding.hi

4. C.B.C.M Secretary Rev. Msgr. Maurce Nyunt Wai in Cardinal Charles
Bo i a taang’ thu te a hi: a pian na khua, a sang kah na teng, Phungzi
a sep na mun te, Bishop a sep na mun 4/5 teng leh Cardinal a suah to
na te mi pi mai ah hong sim khia hi.
Cardinal Charles Bo pen Mon-Hla Village, Shwebo township, Sagaing
Division a suak hi.

5. Fr. So Naing in Cardinal pa i a hoih na teng, a dik na teng, a
thupi na teng, mipi te a deih sak na teng, kua mah peuh tawh lawm ta
bang a a om thei na teng, a siam na teng, etc gen khiat na zong hong
nei hi. A tun na khempeuh ah Biak inn tampi leh a dang tuamtuam tampi
zong lam cih te Cardinal pa a siam na (Talents )te zong pa lai hi.
Carnal pa pen a citak mah mah, a kuhkal mah mah, a han ciam mah mah,
mi te kua ma deidan nei lo pa, mi zawng te a vei mah mah pa,thu man
thu tak a gen ngam giap giap pa, etc. ci hi.

6. Bishop teng taangin Lashio Bishop pa Bp. Philip Za Hawng in
lungdam pih na thu gen na zong nei hi.Myanmar catholic te dingin
angtan huai leh lungdam huai mah mah cih thu te leh Myanmar Catholic
History a dingin laimai thak ki hong tawh ki bang ci hi.

7. Hih Tonu pawi bawl Committee te pan in Cardinal lungdam pih na thu
gen na zong om.

8. Tua khit ciangin Cardinal Charles Bo makai in Missa pi ki pan hi.

9. Missa sung ah Pyay Bishop , Bp. Pyone Cho in thugen na nei hi.
– Cardinal suak cih pen Pasian piak pilna siam nate leh Pasian in a
ma’ a ding a, a geel khol nate hang hi ci hi. Gtn: Cardinal pa pen a
masa in Salesian Father hi in, tua pan in Administrator of Lashio
diocese, Bishop of Lashio, Bishop of Pathein, Arch- Bishop of
Mandalay, Archbishop of Yangon, Administrator of Pyary diocese, etc
cih te zong hong gen hi. Diocese 5 bang a uk ngei Experience a nei hi
ci hi. A dawn sang a om te dingin Huipi ( storm ) laihuai mah bangin
Cardinal pa zong pen a sang pi a tun na pen ze-et na tam semsem lai
ding a hih man in thu nget sak ciat ni ci hi..Ni dangin Bishop Charles
Bo in mi dang te thu News tuamtuam gen thei zel a, tu ciangin mi te in
a ma’ thu bek Cardinal Charles Bo thu bek News in ki gen ta hi ci hi.
Mi te in Safety First ci ta leh a mah pen in tua pen Secondary in koi
zaw a, a ma’ Safety pen a 2 na koih in mi dang te Safety a hih ding
deih sak mah mah ci hi.

10. Missa man ciang Cardinal Charles Bo i lungdam koh thugen na ah
Cardinal cih pen kong khak te leh Padenpauk( Window )te a, a ki zangh
Patta( Hinge )sumbuuk a Ks. 250/- bek a man Patta tawh ki bang a cih
na hi ci hi.

11. Tua khit ciang Parish Priest Fr. Jude leh pawi Committee te vai
hawm na tawh tukum pen Tonu pawi pen ( 113 ) vei na lak na leh kilem
na lim lak na dingin Vakhu ( 113 ) a hing in Father te khat ta in
vakhu khat ta tawi in, Cartdinal pa in a kang khat tawi in mipi mai ah
khah khiat na zong ki nei hi.

12. Cardinal pa Letsong ( Present ) piak na tuamtuam leh Pahtawi na
Laipi sim na zong om hi.

13. Cardinal pa in hong pai Bishop ( 10 ) teng letsong piak na leh
Father khempeuh letsong piak na zong om hi.

14. Cardinal pa leh Bishop teng leh Father teng Group Photo ki zaih
nate zong om hi.

15. Tua ni zan kumdang bang mah in 10:30 p.m in Tonu pawi leh Cardinal
muak na lungdam ko na Missa pi zong pen Cardinal pa mah makai in Missa
om hi.

16. Tukum Nyaunglebin Tonu pawi pi pen kumdang sangin mi ki tam zaw
ban ah pawi sim te in tha ngah thei mah mah ki ci tek hi. A pai ngei
pha lo te zong maikum ciang a ki pan ih pai zawh nangin hanciam huai
hi.

17. Pawisim te ciah ni March 1, 2015 Sunday ni zingtung ( Early
Morning ) 4:00 a.m in zong CHIN Mass zong om hi.

18. A dang Programme tuamtuam te pen Myo-ce-tu ( Sower ) Gloria Jounal
laihawm na te a a hong suak bang mah cih ding hi.

19. Bangmah buai na om hetlo in pawi pi pen hoih tak in man thei hi.

20. Pawisim pen ei Kalay diocese leh Hakha diocese pan in a ki tawm
pai hangin mundang Diocese dang te ki tam thei mah mah cih ding hi.

21. Cardinal suah na pawi pi pen Rome ah Feb. 14, 2015 ni in ki bawl
in Cardinal ( 20 ) pawi pe Video zong pen LED Singn-board tung te ah
zong ki lak a hih man in muh nopki sa tek hi.

22. Feb. 14, 2015 Rome a Cardinal suah pawi ah pawi sim a, a pai gam (

20 )te lak ah Kawlgam te tam pen ci in ka za kha hi. Kawlgam pan in
tua Cardinal suah pawi sim mi ( 300 ) pha in Father ( 20 ) val zong
ci hi. Leitung ah Cardinal pawi sim te lak pan Kawlgam pan tam pai
pen ci hi. Tua mah bangin Kawlgam pan Pawisim a pai ( 300 ) lak ah Nu
Ngak kum ( 21 )a pha khat hong ciah nawn lo ci hi.

22. Rome a Cardinal ( 20 ) te suah pawi ni in Kawlgam pan in pawi sim
mi ( 300 ) te ban ah gam tuamtuam a om Kawlgam mi Catholic te zong
tua pawi sim in Rome ah pawi sim tam pi zong om lai ci.

23. Kawlgam pan in pawi sim Nu Ngak khat hong ciah kik nawn lo pen a
lawm teng heh thei peuh mah uh ci ei.

N.B::
Kei muh na leh ka zaak thu te bek hi.
Father Go Lian
March 7, 2015
Tamu