Nuntakna lukhu vs Covid-19 ~ Sian Kop Lian

Nuntakna lukhu vs Covid-19 ~ Sian Kop Lian

Leitungbup hong linglawngsak aminthang vangvang natna ten hongnawk laitak in, bang bang piang ta le Pasian tung thungen in, tha lakhawm ni. Matthew 16:13-18, lungngai khawmni. Tu in Caesarea Philippi gamah Zeisu a hong tun ciangin a nungzuite kiangah,” Mite in keimah, Mihing Tapa, kua hi hong ci uh hiam?” (ZSV)

Zeisu leitung hong paima kum 300, hun lai in, galhang minthang Alexander the Great makaihna tawh Greek minam te hong thahat in, leitung bupphial ah kizel-in hong minthang mahmah uh hi.

Bekthamlo-in, amau upna Greek mythology tungtawn in hongpiang khia pasian neu neu tampi om hi cih upna polytheism honglang mahmah in,Judah minam te sung mahmah ah zong hong kizel in, Zeisu hongpai masiah kum 300 sung bang Judah minam ten tua upna nazui in na muangkha uh hi.

Lunghimawh or patau mangkam in panic ih cih cih zong , greek te pasian Pan god a kici , apumlang khat mihing hi in a lang khat kellu (goat)tawh a kigawmkhawm khat hi in, khat vei gamlakah phiit , flute pan-flute aki ci, phiit khat hongtum le , a za kha khempeuh tua phiitging lau in taimang uh hi ci. Tua huhau in , lauthawngna panic ih cih kammal hongpiang khia hi. The term panic to express when someone is acutely a fraid.

Tomlakna: (cultural insights into the words and deeds of Christ p.60) Bangzah ta in, tua upna kizelzo cih Acts, Sawltak 14:8-13 na simleng kimu thei hi. Barnabas bang Greek te pasian namkhat ahi Zeus ci-in nasam uh a, Paul bang Hermes, the priest of Zeus cih bangin min navawh in na sam liang uh hi.
Tuni dong mah tua upna leitung bup ah kizel in, Zomi te nangawn in hunkhat lai in a na ciin mahmah uh upna (pasian ten thei nave) tanglai pi le pu te kampau.

Zeisu in, hihthu te azak ciangin, anung zuite kiang ah, ” Mite in keimah, Mihing Tapa, kua hi hong ci uh hiam?” Cin na dong hi, ahangin Greek minam te upna in mitampi nahuzap khinzo ahih man a hi hi.
Anungzuite sung pan in, Peter in na dawng in, ” Nang in a nungta Pasian Tapa,khazih na hi hi” ci in na dawng hi. Aneu 18 na ah, ken kong cih in ah nang in Peter na hi hi. Hih suangpi tung ah ka pawlpi ka lam dinga, Hades kongpite in a zo kei ding uh hi.

Thukhupna

Zeisu in kei adingin, tawntung nuntakna lampi hi ci in a um mikhempeuh in Pasian pawlpi mi kihipah in, tua pawlpi in ei mahmah mimal sung ah Zeisu khazih hong tendenna honggen na ahi hi.

1 Corinthians 10:4 na ah,A vekpi mah un kha tawh kisai tui na dawn uh hi. Bang hang hiam cih leh amaute a tonpih, kha tawh kisai suangpi panin tui na dawn uh a, tua suangpi pen Khrih ahi hi.

Ih kiim i pam ah, natna satna thu tuamtuam hong om ciangin, Zeisu honggente lungngai kawm in a mah a muang mite le a phuhsa pawlpi tung ah hell kongpi te in a zo kei ding hi cih, Zeisu kammal tawh thala in, thungetna ah akua maciat kiphawk kim tek ni. Sian Kop Lian (Bangalore)