Nungzui leh Makai ~ David Tuang

Nungzui leh Makai ~ David Tuang

• Nungzui hoihte makai hoih hong suak ding hi.

• Nungzui ginalote makai gina/cingtaak suak ngei lo hi.

• Makai hoih lo i cihte, nungzui ahih lai-in a ginalo teng hi.

• Nungzuite’n makaite kisapna theihpih in, makaite’n nungzuite haksatna theihpih ding kilawm hi.

• Pilna nei khempeuh makai hoih hi pah lo hi.

• Pilna neilo khempeuh zong makai sem thei lo ding bangin, ngaihsut pah ding hi lo hi.

• Makai i utna pen min leh za’ deih man hi loin, it man leh vei man hi ding hi.

• Makai hoih na suah nop leh nungzuih siam kisin masa in.

• Nungzuih siam lo khat in, makai hong sep ciang, buaina leh kitot kiselna tam hi.

• Ngah nading bek tawh makai i sep leh supna in hong ngak cih tel ding kisam hi.

• Sum deih lua makai pen, makai hoih suak ngeilo ding hi.

• Nung zui ihih manin, makaite thuman’ ding bel kilawm zaw hamtang ding hi.

• Makai ahi a, nungzui ahi zongin, Pasian a it a zahtak teng mah hong hoih toto ding hi.

* A phawkhuai khat-ah, makai hawmthawhna hoih lo a, nungzuite a thusim lo makai zong hoih tuanlo hi.
A kilekkim ngaihsut siamna i kisam hi.

Khazih sungah,
David Tuang