Vanleng sungah numeikhat in abombi sungen huihtawh mutkeusak

Vanleng sungah numeikhat in abombi sungen huihtawh mutkeusak

Russia gamte vanlengkhat ahi Ural Airlines sungah numeikhat in abombi sungten “Panties” pen atungpanin huihtawh mutkeusak ahih manin, atuanpih adang Passenger te’n nopmawh samahmah uh cihi.

Tua numeinu in Panties amutkeusak laitakpen anunglam panin Passenger adangkhat in Video Record nabawlkha citciat hi.

Adang Passenger te genkhiatna ah tua Ural Airlines pen Turkey gampanin Russia, Moscow City zuanin alenlaitak cihi.

Numei khatin akiim apaam ah atute awlmawh vetlo in, abombi sungten “Underwear” pen atung aom Overhead Air Vent panin huihtawh mutkeusak hi. Hihbangin abombi sungten amutkeusak pen Minute 20 sungbang sawt ci a, vanleng tuangkimlai koipan na kawtsak dihdih himawk dinghiam…

Daily Mail te genna ah anungah atu Passenger khempeuh in muthei uh a, hibangin agamtatpen lamdangsa in en ngeingai uhhi. Ahi zongin kuamah in bangmah paupih samlo uhhi ci’n gelhkhia hi.

Nungdiak in Dubai City panin Amsterdam City zuanin alengkhia Transavia Airlines sungah pasal khatin veih pekpek ahih manin, kitotna piangsakliang hi. Kitotna apian ciangin Pilot inzong cihnading theilo in Austria gam ii khuapi Vienna City ah Emergency Landing bawl ciliang hi.

More: Iran gamsungah Passenger pua vanlengkhat kia, asungah atuang mi 66 avek un si

Vanleng sungah pasal khatin veih apekpen kitotna piangin, Emegency Landing bang bawllawh zawzen hi. Numei khatin abombi sungten (bangtui tawh akawt hidinghiam, akawtlaibel hi hamtangding cileng) huihtawh amutkeusak pen kuaman phamawh salo bilbel uhhi 🙂 Tua huih adikha tebel Yangon khuasung a ektui adawnte sangin phadawm zawdeuh dinghi 🙂 Sawltak #zomidaily