Numei khat mawtaw in ataihlup khitlian in apumpi pan akha pusuakkhia

Numei khat mawtaw in ataihlup khitlian in apumpi pan akha pusuakkhia

Video Clip tomno khatsung ah Motorcycle tawh atailaitak numeikhat leh mawtaw khat ki phukha in tua numeinu aphual ah sipah hi. Asihkhit aki taihlupkhit lianin akha thokhia in agei dingkhia ci’n Online Social Media tungah kikhaksawn kawikawi kici hi.

Tua Video pen CCTV panin aki Record hileh kilawm a, mataw khat lamzing Junction khatah akawiphei laitak in Motorcycle hattai mahmahkhat tawh kiphu khalian hi. Tua Motorcycle hawlpen numei kici a, mawtaw tawh aki phutkhak khitciangin apumpi kilawnin meikhuam geikhat ah tusak a, tangnawnlo hi.

Tualian in apumpi pan akha hidingin aki ummawh paikhia in, agei ah dingkhia kici hi. Ageinai aomte’n Accident om atheih uhciangin delhpah ngeingai uh himahleh, avom kitellokhat numeinu luanghawm geinai ah dingkhia takpi hi.

Tuazawh asawtlo in tua aliimpen mangkik leuleu hi. Pawlkhat in hihpen numeinu asihkhit ciangin akha apumpi panin ataikhia hidinghi ci uhhi. Ahi zongin pawlkhat in hih Video pen azuaupi hi, aki bawltawm hi ci’n Comments apia pawlkhatzong omleuleu hi.

Tua Video pen aki bawltawm hiding a, akha hiding in aki ummawhpen Video Editing Effect akikoih hidinghi ci’n a umlozong pawlkhat om uhhi.

Bangbang ahi zongin up leh uplohpen a ente thuthu hizaw a, ahi zongin hihbangdan News om ahih manin, kong suahkhiatsak uh hizaw hi. Video Clip pen Thai gamkhawng pan hileh kilawm a, nungkum in YouTube ah akikoih ahihi. Accident aomciang asivat te akha hibangdan in pusuakkhia pahding in na umhialeh? Comment dih ou lawm… ZD Sawltak #zomidaily