Numei Khat in President ngah

Numei Khat in President ngah

Lahu National Development(LNDP) Party President thak liklek Miss, Lydia leh ZCD President, Chin State Pu Zam Khan Suan at a khatveina Union Peace Conference-21 st Century Panlong ah hi.

Ih Gam ah Pasal sang numei tamzaw hi. Tulaitak ih gam ah Democracy Icon pen numei hi in ASSK hi.

Lahu Party makai nu zong numei mah hong hita hi.Lydia pen Pasian thu um mahmah hi. Peace process ah Party khangno lampan kinak hel mahmah khat hi. Lahu nungak khat hi. Gam leh minam a it mahmah khat hi. Shan State ah a omhangh un ko Shan hilo, Lahu hi ungh aci Minam ahi uh hi.

Hihzah a thu katheihna pen Peace Process ah kuthuah khazel hi ungh. Kei leh Bob Tuang tawh 2015 Union Day in Shan State Panlong Myo ah 2008 Upadi deih kei ungh cih pholakna ah kei leh bob tuang tawh kithuah kha hi ungh. Tua kum mah ASSK in a inn ah khangnote hong sap in zong kithuah kha hi ungh. Amasapen Union Peace Conference-21st Century Panlong ah kithuah kha hi ungh.

Ih lungtup Gam ih bawl zawh nang in numeite mah nakpi tak in hong kipei lai uh kisam hi.

Numei hihhang a politics sem theilo ding thukhun omlo hi.
Pasalte anhuan leh puansawp ding bek hilo hi.

Zomi numeite hong kipei dih un, Zogam in haibang hong ngak hi. Zomi in mubang hong ngai hi.

• Numeite nong lawp kei uh leh
• Innkuan sung nuamlo
• Pawlpi sung nuamlo
• Khuasung nuamlo
• Minam sung ah nopna om theilo
• Ih Gam sung nuamlo.

Lungdam
Cin Lian Khai(Zogamkhaino)