Mexico gamsung makaipi Major khatleh ganhing awle kiteeng
Mexico gamsung aom makaipi asem Mayor khat awle tawh kiteeng cita lawmlawm hi. Southern Mexico, San Pedro Huamelula kici khuasung ah makai Mayor asem laitak Victor Aguilar kicipa pen awle “Crocodile” tawh kiteeng ci’n CNN te’nzong pulakkhia uhhi.
Awle Crocodile pen mopuan silhsak in pakkual khat alu zepsak uh a, sabuai tungkhatah koihpongmawk uhhi. Tuatawh akiciamna neisak in mopawi pawi uh cizen hi.
Innsung khatah kiciamna leh mopawi vaiteng abawlkhit uhciangin khuasung ah Music tuamtuam tumkawm in molopna in vakpih kawikawi cilaizen hi.
Ahi zongin hihbangdan pen abeisa kum 200 hunlaipek inzong azatzelzel uh ngeina khat kici hi. Mexico gamsung ah Chontales leh Huaves kici Indigenous Group nihte kigawm kikna limlawhna in hihbangdan abeisa inzong kibawlzel cihi.
Video: Mayor in Oaxaca marries a crocodile
Hih Indigenous Group nihte pen abeisa Pre-Hispanic hunlai in kigaineih mahmah uhhi. Tuaciangin Chontales kumpipa tapa leh Huaves kumpipa tanu kingai uh a, anunung ah kiteeng uh cih tangthu “Legend” khat neingei uhhi. Tuaciangin Chontales leh Huaves minamnih kikal kidona leh ki galbawlna te vengpan cihi.
Hih ganhing tawh kiteenna mopawi ahzong Major papen Chontales kumpipa dinmun bangin aki ngaihsun hi a, Crocodile pen Huaves mite dinmun bangin aki ngaihsun hi in, minamnih kilemna aomnading in akiteeng uh cihi.
Related: Mexico gamsung zato innkhum tungah misiluang kikhiatsuk ~ ZD
Indigenous Chontales te’n 1789 kum akipan hihbangdan ngeina neizelzel uhhi. Crocodile tawh akiteeng aom ciangin khuasung ah thupha kisangin, an tampi keinei bekthamlo, ngabeng te’nzong nga, kaikuang, Seafood tuamtuam tampi omthei uh cih upna nei uhhi. Sawltak #zomidaily
Comment piaknop aomleh...