Theihhuai leh Zuihhuai thu ~ Tedim Municipal

Theihhuai leh Zuihhuai thu ~ Tedim Municipal

April 8, 2020 (Wed) ni tuibem ah tuilut hong tawmlua a hihman in Sipin zumnasem mi (2) leh Sakollam pan tuilam vaipuak a nei mi (2) ki gawm in Sialtaang tuinaak ki bawl hi. Tuinaak No.4 gei ah tuinaak hoih mahmah khat om in 1″1/2pipe dimzo ding ki lam en hi.Tua tui kilak beh thei leh Tedim khuanu/pa te tuivai aa a thum a tau ngaungauna uh phatuam ding cih kimu khia hi.

EO kiang leh telcing committee te kiang zong ki genpah aa a vekpi un hoihsa uh hi. April 9,2020 (Thu) ni Sipin zumnasem mi(2) leh Pa Siandal tawh tua tuinaak et cianna ki nei leuleu aa lak ding mah hoih kisa ciat hi. April 10, 2020 (Fri) Sipin zum ah kam kikupna nasiatak ki nei aa Pa Siandal in tuilak nading tawh kisai vaipuak la in a semding ki thukim hi.Bawl khit ciang tuinaak nei mi(3) omdan hihtuak mawk hi.

Tua ahih leh aituam tuinaak neih theih cih bang a om thei taktak mah hiam,kikum dih ni…. Sipin thukhun No. (82) nasungah Sipin gamhuam a hi aa a hi kei zong mipi a ding a kisap leh a kisapna munmuna ah Sipin te’n tuinaak khempeuh thuneihna nei in zong laksak thei hi. (စည်ပင်နည်းဥပ​ဒေ ပုဒ်မ (၈၂) စည်ပင်သာယာ​ရေးအဖွဲ့သည် စည်ပင်နယ်နိမိတ်အတွင်း(သို့)ပြင်ပရှိ​သော သဘာဝစိမ့်စမ်း​ရေထွက်များအား အများပြည်သူအကျိုးအလို့ဌာ စည်ပင်သာယာ​ရေးအဖွဲ့ပိုင်အဖြစ် စီမံနိုင်သလို သိမ်းယူနိုင်သည်။

Sipin Thukhun No.(90),(c) na ah tuikhempeuh Sipin tawh kisai aa aituam tuinaak te zong mipi kisapna zui in Sipin in laksak thei hi. စည်ပင်နည်းဥပ​ဒေပုဒ်မ (၉၀),( ဂ) ​ရေအရင်းအမြစ်ဟူသမျှသည် စည်ပင်နှင့်သာ သက်ဆိုင်ပြီး ပုဂ္ဂလိက အစုအဖွဲ့ပိုင် စမ်း​​​ရေထွက်များကိုလည်း စည်ပင်သာယာ​ရေးအဖွဲ့ပိုင်အဖြစ် ​မြေဌားပတ္တာစာချုပ်ရယူ​ဆောင်ရွက်နိုင်သည်။

Tua hi aa Sipin nasepna pen mipi a ding nasepna hi aa aituam ngaihsutna omlo hi.Thu leh la khat pepeuh ah zong mipi lam ah pang den hi.Na huangsung aa tuinaak na neih zong mipi a ding a kisap leh mipa aa hong hi pah hi.Tuinaak thak lakvai ah a lungkimlo mi(3) teng zong Dimtui vangkhua tualnuam ah sabang ih tat pih, Sialtaang tui mah mipite tawh ih dawn khoppih mah ahi uh hi.Lungsim picing sak in aituam lungsim paikhia in mitampi nopsakna ding vaihawm zawleng ih biak Pasian a lungdam zaw ding hi.

Ngaihsut huai hi sumnei teng in aituam in tui lading ci mawkleng a piang theilo thu hi. Simlei nuntak tomna lawmlawm, diamdiam leng nuntakna manpha hi.Khanglui ten zong “Hawmsem nungta,nebom puksi” na ci uh hi.Ngalulok bang in ei aituam bek khual in utna tengah sukpeh,topeh hun hi nawnlo aa ki pawlkhop hun hi ta hi.Tuinaak huang teng zong(ကြိုးဝိုင်း) hi aa mi khempeuh tawh ki sai in ih kep cingding vaipuak ih nei ciat hi.

More: Tedim Municipal zumpan Signboard vai zaksakna

Ih Zongeina bang in gamneite kiang sum tawh ki lei cih zong om thei khin nawnlo hi. Mipi a ding a kisapnak leh ut te keileng ih piak loh a phamawh thu ahi hi.Mipi aa ding kisamlopi in Sipin lampan zong hong mawkkhoih lo ding leh hong awlmawh khalo ding cih phawk ni. Tedim Municipal