North Korea te Missile thaupi lotkhiat Japan gamsungah tusuk ahih manin kibuai litlit

North Korea te Missile thaupi lotkhiat Japan gamsungah tusuk ahih manin kibuai litlit

North Korea te’n Missile thaupi khat Tuesday ni in lawnkhia leuleu uh a, tua Missile pen Japan gamtung ah lengsuak in tuipi tungah kiasuk cih Reuters te’n genkhia hi. Tua Missile thaupi pen Japan te ii gamsung, Kokkaido Region ii tuipak ah khiasuk hi ci’n South Korean leh Japanese Officials te’n genkhia uhhi.

Hih Missile lotkhiatna vai hangin Korean Peninsula ah buaina khangsak semsemding kici hi. North Korea te lotkhiat Missile pen Hwasong-12 Missile hiding kici a, asawtnailo in abawlkhiat uh “intermediate-range” Missile khat hi in, kisinna in alotkhiat uh kici hi.

Tukha kipatcillam inzong North Korea te’n US gamsung ah Missile thaupi tawh kapsawm in, kito ki vou ngei uhhi. U.S. President Donald Trump in US gam hong lauthawngsak peuhmahleh Pyongyang (North Korea khuapi) vutlevai suakding hi ci’n Warning apiakkhit ciangin, North Korea tezong hehmahmah uh a, U.S. Pacific Territory of Guam tuipi geiteng Missile thaupi tawh kapsawm uhhi.

Kim Jong-Un in North Korea gam akamaih khitzawh Missile thaupi pen tamvepitak kisinna “Test” in lawnkhia zelzel uhhi. Ahi zongin Japan gam ii leitang tungah atudingliang in lawnkhia ngei khollo uhhi.

Video: North Korea fires missile over Kokkaido, Japan

Tutung pen Japan gamsung ah Missile kiasukmawk ahih manin, Japanese Prime Minister Shinzo Abe inzong North Korea te mawhsak mahmah hi. Tua ahih manin United Nations ah hih Pyongyang (North Korea) te bangci khaktanding cihtawh kisai in Urgent Meeting akineihtheih nadingin lampi zongkhiapah kici hi.

South Korea te’nzong agamveng North Korea te ii gamtatna pen nakpitak in mawhsak mahmah uhhi.

Related: Korea Gal: Leitung Gal Sawtpen ~ Cope Suan Pau

Hih North Korea te Missile pen Japan, Hokkaido sungah akiat ciangin Japanese Government’s J-Alert System panin Radio leh TV Program te ah khuasung mipi te kidoptheih nadingin Warning gingkhiasakpah ziahziah uhhi. Bullet Train Services tezong lauhuaina aomkhakding kidalkholhna in tawmvei kikhawlsak a, Hokkaido khuasung tengah Loudspeakers tawh ki awngin Warning kipiaman cih kiza hi. Sawltak #zomidaily