North Korea gamsung ah Malaysia gammi 9 awkciplai

North Korea gamsung ah Malaysia gammi 9 awkciplai

North Korea leh Malaysia gamnih pen Kim Jong Nam kisuamlupna hangin gamnih kizopna tampitak nawngkaisak hi. North Korea in amau gamsung aom Malaysia gammi te aciahkhiatding khakcipna abawl ciangin, Malaysia kumpi inzong amau gamsung aom North Korea gammi te aciahkhiatding khakcipna Travel Ban bawlpah uhhi.

North Korea gamsung ah Malaysian National pen mi 11 om ci’n thunei te’n gen uh a, tualak pan mi 2 tepen pusuakkhia theita uh cih CNA News in genkhia hi. North Korea gampan apusuak khiathei Malaysia gammi nihte pen World Food Programme (WFP) tawh nasemkhawm te ahi uhhi.

WFP te Thursday (Mar 09) ni in agenkhiatna ah North Korea gamsung aom ka nasem uh Malaysia gammi nihte bangmah nawngkaina omlo in ciahkhia theita uh a, Beijing ah tungkhin uhhi ci’n genkhia uhhi.

Hih minih tepen World Food Programme ah asem uh hi a, Malaysia kumpi tawh kizopna bel omlo hi.

Malaysia’s Prime Minister Najib Razak inzong hihvai ama ii Twitter tungah gelhkhia a, North Korea pan aciahkhiathei Malaysia gammi nihtepen Stella Lim leh Nyanaprakash Muniandy kici te ahi uhhi cihi.

Mi 2 ciahkhiathei ahih manin North Korea gamsung ah Malaysia gammi 9 mah omlai veve uhhi. Tualak ah naupang 3 bang kihelding cih CNA in genkhia hi.

Prime Minister Najib inzong hihvaitawh kisai in Thursday ni in Statement ah agenkhiatna ah North Korea gamsung aom Malaysia gammi tepen bangmah nawngkaina omlo, lungmuanhuai uh a, Malaysia kumpi in acianlaiteng hong ciahkhiattheih nadingin septheih khempeuh kisem dinghi ci’n genkhia hi.

Tuaban ah Malaysia gamsung aom North Korea gammi tezong ciahkhiatsak nailohding in National Security Council kimuhkhopna ah ki genkhia cihi.

Prime Minister Najib ngiat tawhzong North Korea gamsung aom Malaysian Embassy ah asem laitak ahi Counsellor Mohd Nor Azrin te Minute 2 sung Phone kihona nei uh a, tuate innkuan leh adang Malaysia gammi te avek un lunghimawh nading omlo cihi.

More: North Korea aom Malaysia gammi te aciahkhiatding kiphallo

Malaysia gambupsung aom Mosques biakinn khempeuh ah North Korea ah athamcip Malaysian Citizens khempeuh adingin thungetna neihsakding kong hanthawn hi ci’n Prime Minister Najib in genkhia hi. Biaknadang te’nzong thungetna mah thupi ngaihsut mahmah uhhi.

US Travel Ban leh North Korea Travel Ban koi hong vengbaih zawtammaw? ZD Sawltak #zomidaily