Naungek te banghun in an pia dinghiam?

Naungek te banghun in an pia dinghiam?

Naungek te in a gil a kial uh hangin hong gentheilo uh hi. A nu (a cing) te in a gilkial dinghi ci in i up ciangin an ki pia hi.

A taktak in naungekte in a kamtawh hong gentheihloh uh hangin a gamtatna uh tawh a gilkial lam uh honglak hi. Tua hun ciangin a nu te in an i piakpah theih ding kisam hi.

Naungekte gamtatna
1. A gilkial kipat ciangin:

(a). Naungekte a gik a kialuh ciangin hong gamtang uh hi. (b) A kam uh hong ka ding hi. (c) A ziat a vei a mittawh hong en laplap ding hi.

2. Tua hun in an a kipiak naikei leh a gilkial zawsem hi. Tuaciangin:

(a) A khut a khe, a guh a tangte hong dok (ki zia) ding hi. (b) A pumpi bup hong ki heksuk hong ki hekto ding hi. (c) A khutme te a kamsungah hong koih ta ding hi.

3. An a kipaik naikei leh a gil nakkial lua mahmah ta hi. Tuakzo nawnlo a hihmanin naungek in;

(a) Hong kap khia ding hi. (b) Hehsuak mahmah ta hi. (c) A maitang mahmah hong san ding hi.

Hih naungek gamtatzia en in a gilkialluat ma (nambat 3 a tun ma) in a nu te, a cing a kem te in naungek te an i piak ding kisam mahmah hi. Siamsin Library