Sengam ah sangnaupang khatin Khauhsuai “Noodle” avaikhak leh asungah gul om cimawk hi. China, Guangxi Zhuang Region sung aom Noodle Shop khatpan in sangnaupang numeikhat in sanginn Hostel ah nekding in Noodle kuangnih Parcel “Takeaway” vaikhak hi.
Tua avaikhak pen Spicy Noodle kici pen Vokguh leh Toktol “Snail” namkhat kihuanin atuicik tawh akibawl ahihi.
Sanginn aomna uh Hostel atun ciangin Noodle khatpen alawmte khat pia in, amahzong kuangkhat aneding in kithai hi. Noodle leh anteh teng aki gawmkhawmding in ciangtawh atoktok laitak in asungah gul aneu khat mu ahih manin laulua in awnggawp hi.
Tuaciangin alawmte tawh tua Noodle lakah gul akikhel pen Photo zaih uh a, azaihkhit uhciangin ninlak ah paaikhiapah uhhi.
Tua Photo pen Social Media ah ki thehzak in anunung ah kumpi thunei Local Food Safety Authority te’n mukha uhhi.
Tuaciangin Food Safety Authority te’n Noodle Restaurant pen sitcianna nei uh a, saisung pen siangtholo, vankoihna tezong siangtholo cih mukhia uhhi.
Related: Singapore nupa kopkhatin inn nasemnu an ngawlhcip in agihna 20kg kiamliang ~ ZD
Tua ahih manin Noodle Restaurant pen khakcipsak uh a, hoihtak siansuahding thupia uhhi. Ceiling tengzong hoihtak puahphat sakding thupia cih kiza hi. Sawltak #zomidaily
Comment piaknop aomleh...