Malaysia gamsung ah Newspaper minthangpen khat ahi “The Star Newspaper” te’n May 27, Saturday ni in ahawmkhiat uh Front Page tungah aki telkhialtheiding lai leh lim pawlkhat suakkhawm sakkha citciat ahih manin gammi biakna te hehmahmah uhhi.
Tuathu hangin mipi solitlit ahih manin, The Star Top Editor mi 2 ki dinkhawlsak “Suspend” cih NST pan kiza hi. Aki dinkhawlsak tepen Editor-in-chief Datuk Leanne Goh Lee Yen leh Executive editor Dorairaj Nadason tegel ahi uhhi.
Hih Editor tegel pen apanmun “Role” panin ki dinkhawlsak, Suspend phot a, hihvai tawh kisai in aki kanciankhit mateng in nasepkhuan neilo uh cihi.
Top Editor nihtak dinkhawl himawk ahih manin, amau te khawlsung in Star Media Group managing director leh Chief executive officer Datuk Wong Chun Wai te’n amau nasepteng sepsakding, zopsakding cihi.
Hih thubuai pen atung ah ihmuhtheih Photo sung adan in “The Star Newspaper” ii Front Page ah suakmawk ahih manin, mipi lungkimlo uhhi. Newspaper maikhat hangin Top Editor mi 2 in nasep suplawhphot a, tuaban ah Company inzong minsiatlawh mahmah uhhi.
Hihvai tawh kisai in thukanna kineiding ci a, banghang in Front Page ah “Malaysian terrorist leader” cih thulu golpi leh anuai ah Muslim te thunget laitak ki suaksak khawmhiam cihpen hoihtak kankhiading uh cih kiza hi.
Related: “The Star Newspaper” te Front Page ah asuahsak lai leh Photo hangin gammi biakna te hehmahmah
Malaysia gamsung ah biakna in thu neimahmah cihpen kilangh mahmah ahih manin, kidop huai mahmah hi. ZD Sawltak #zomidaily
Comment piaknop aomleh...