New Zealand gamsung ah Cyclone Debbie in nawkleuleu

New Zealand gamsung ah Cyclone Debbie in nawkleuleu

New Zealand gamsung leilulam aom tuikulh “North Island” ah huihpi guahpi in nawkin mencim ahih manin singkung te kipuk a, lampi pawlkhatzong kikhakcip cih Reuters pan kiza hi. Nungdiak in Australia gamsung anawkkhin ahi “Cyclone Debbie” kicipen in New Zealand gamsung ah tuni Wednesday ni in anawk leuleu ahihi.

New Zealand gam ii North Island lamah khuapi golpen ahi Auckland City sungah mencin ahih manin Apartment pawlkhat nawkkha cihi. Electric Power zong siacip in inn 1000 val in mei ngahlo in omcip uhhi.

Luitui “River Level” zong khangtoto ahih manin kumpi thunei te’n “State of Emergency” in pulakkhia uhhi. Kumpi thunei te genkhiatna ah tuciangciang asi aliam pen bangmah Report omnailo cisam uhhi.

Nungkum November khasung inzong New Zealand gamsung ah Magnitude 7.8 hatna tawh zinling in khatvei anawkkhindeuh hi a, innsia losia tezong akipuahsansan laitak ahihi.

Cyclone Debbie in nungkalsung in Australia, Queensland sungah Category 4 hatna tawh nawkgawp in, piaudung aom Tourist Resorts te’n nawksiagawp hi.

More: Australia gamsung ah “Cyclone Debbie” kici huihpi guahpi in nawkgawp

Australian Police te’n Tuesday ni in agenkhiatna ah Cyclone Debbie hangin asipen mi 3 kimukhiakhin ci’n genkhia uhhi. Tuaban ah Electric Power angahlo zong inn 20,000 bang omlai cimawk hi. ZD Sawltak #zomidaily