Malaysia, Kajang aom suaizuakna khatah damiah lutin Rm100,000 man puakhia

Malaysia, Kajang aom suaizuakna khatah damiah lutin Rm100,000 man puakhia

Malaysia, Kajang vengsung aom vanmanpha zuakna Jewellery Shop khatah damiah te lutin Rm100,000 manneiding puakhia uh cih theStar pan kiza hi. Damiah “Robber” pen mi 4 pha uh a, Jalan Tun Abd Aziz lampitung aom suaisai ah zanni Monday nitaklam 6pm hunpawl in alut uh ahihi.

Kajang OCPD Asst Comm Othman Nayan in agenkhiatna ah damiah mi 4 in aluh uh hi a, Motorcycle lukhu khutek uh cihi. Tua Motorcycle Helmet tezong apualam panin amel aki telloding in amaan kizut “Tinted Visors” in kizut cihi.

Suai zuakna Jewellery Shop pen Ground Floor ah aom hi a, CCTV Video panin aki etkik ciangin mi 4 lakah khatin apualam ah dinsa in kongkhak ngeiah ngakcip hi. Akhut sungah tawikhat nei a, tuapen thau hiding in ki ummawh hi.

Saisung ah alut khatpa in vanmanpha akikoihna Display Case manbizu teng sekpi tawh khawngkham ziahziah in, asung pan van manpha teng adang nihte in luakkhia ziahziah uhhi.

Hih damiah te alutlaitak in sai nasem zong mi 4 aom hi a, khat pen Customers tetawh akiholim laitak uh ahihi. Damiah te gamtat sungteng tua Customers tezong tucip uh a, bangmah tangkhia ngamlo cihi.

Adang khatpen zumsung Office sungah aom laitak hi in, tualo adang Staff nihte pen Counter nunglam ah aomlaitak uh ahihi.

Kajang Police te genna ah hih buaina apianzawh Minute 30 khitkhawng ciangin vanzuak nasemkhat in Police Report bawlpan cihi. Vanzuakna saisungteng Police te’n Checking bawl uh a, Fingerprints 10 bang mukhia uhhi.

Hih vanmanpha zuakna Jewellery Shop pen thumvei damiah alutna hita kici hi. 2005 kumin khatvei lutmasa in, tuazawh 2015 kum ciangin khatvei lutkik leuleu hi. Sai akipatkhiat kumpen 1997 kumpekpan hi a, tutung damiah luttawh hileh thumvei vilvel alutna hita hi.

Kajang Police te’n akisamteng Record bawl uh a, migilo thautawi “Armed Gang Robbery” hiding in ummawh uh cih kiza hi.

More: Malaysia Shopping Mall khatah damiah lutin RM700,000 mannei puakhia

Hihbangdan in vanmanpha zuakna Jewellery Shop te ah damiah lut cihpen kiza zelzel hi. Suntangpi, mipi muhna mahah damiah kitaih ngammawk uhhi. Hihbangin Shopping Mall sungleh Jewellery Shop te ah damiah alut ngamte’n gamdangmi tebel hong kihta hetlo ngelngelding uhhi. ZD Sawltak #zomidaily