New York ah meileng tuahsia, Passenger mi 100 val liam

New York ah meileng tuahsia, Passenger mi 100 val liam

US, New York City ah zanni Wednesday (Jan 04) ni in meilengkhat atailaitak apei talkhia in tuahsia ahih manin mi 100 liam cih Reuters pan kiza hi. Zingsang khuasung mite nasemding in abuaimahmah laitak “morning rush hour” huntawh kituak sese ahih manin, khuasungvak Commuters mi 100 valtak in aliam lawh uh ahihi. Nungkum September khasung inzong Metropolitan Area sungah tuahsiatna omngei a, tu’n khatvei aomkik leuleu ahihi.

New York City Fire Department te genna ah Long Island Rail Road tungah atai meilengpen ataina lampi panin pialkhia in, zingsang 8:20am hunpawl in mitam mahmahna Transportation Hub khat phulphei cihi.

Aliam tepen nuntakna abeilawh liangding zahdong in ahuaisia aomsam lohhang in, atuahsia mi 11 tepen zato kipuak hi ci’n aphual ah thunei Deputy Assistant Chief Dan Donoghue in genkhia hi. Meileng tungah atuanglimlim Passenger ahihleh avekin mi 600 leh 700 kikalbang phading ci uhhi.

Hih meileng pen Far Rockaway panin hongkipankhia hi a, akhawlnading munah khawltheilo hi.

More: Kum 15 mi bekin NASA te leh Pentagon te thusim Hack sak

Ahatna akiamhang in paisuak a, tuapan in ataina lampi panin pialkhia in atuahsia ahihi ci’n New York Governor in Briefing abawlna ah genkhia hi. Nungkum September khasung atuahsiatlai in Hoboken, New Jersey ah atuahsia hi a, nupikhat si in, adang Passenger mi 114 bangin liamlawh uhhi. ZD Sawltak #zomidaily