China ah pasal khatin naupangkhat inndawl 3 pan lawnkhia, amahzong tuaksuk

China ah pasal khatin naupangkhat inndawl 3 pan lawnkhia, amahzong tuaksuk

China gamsung aom Shopping Center khat ii inndawl 3 na panin pasal khatin numeino khat lawnkhia hi. Tuakhit ciangin amahzong tuaksuk cih SCMP pan kiza hi. Hih thupiang pen Saturday sunlam in China, Guangdong Province sung aom Foshan City sungah thupiang ahihi.

Local Police te’n Statement ah akhahkhiatna ah tua pasalpa pen sumbat, leibat (heavy financial pressure) ahih manin, amahleh amah aki sihbawlsawm cimawk uhhi.

Hihbangin buaina apianlaitak CCTV panin Video Record kibawlkha a, tua Video Clip zong Chinese Social Media tengah kithehzak pahhi. Inndawl 3 na, Third-floor Balcony panin lotkhiat athuak numeino pen dailenbuk “Toilet” panin hong pusuakkhia kici hi.

Tuabangin Toilet panin apaikhiat laitak in pasalpa in pummatphei a, Balcony panin lawnkhiaziau mawk hi. Tua alotsukziau naupang pen amahtawh kinaina aomlo, theihkhak ngeilohkhat hi a, leibat haulua alung zinglua in amuhmawk naupangkhat mancip in innnuai ah alawnsukziau hihtuakmawk hi.

More: Naupang kum 8 khat anu in tawng ahih manin inntungpan tuakin si

Tuazawh asawtlo in amahzong tuaksuk hi. Kamphatna tawh tua numeino pen silo bilbel a, akiatsukna hangin alu leh atawbo liam kici hi. Alawnkhia pasalpa zong silo in, ahi zongin aguh pawlkhat kitan kicihi. Police te’n tuapa pen mansuakpah uh cih kiza hi. ZD Sawltak #zomidaily