Naungek kha 10 aphapan khat akepsak te innsung ah kia in si

Naungek kha 10 aphapan khat akepsak te innsung ah kia in si

Malaysia gamsung ah naungek pasalno kha 10 bekbek aphapan khat anu apa te’n nasem uh ahih manin, naukepna “babysitter’s house” ah akikha ahihi. Tua naungek pen abeisa Tuesday (July 17) ni in innsung luaitung panin akia hidingin ki ummawh hi.

Luaisung panin akiatzawh Sultanah Fatimah Specialist Hospital ah aki kemcip hi a, tuni Saturday zingsanglam 9am hunpawl in zato panin sita cih Bernama te’n genkhia uhhi.

Tua naupangno ii aminpen Naufal Amsyar kici hi. Apa pen kum 28 aphakhin khat hi a, tuni zingsanglam in WhatsApp tungtawn in ka tapa neihsunsun in hong nusiata hi ci’n gelhkhia cihi.

Hih thupiang pen Muar, Tangkak vengsung ah thupiang hi a, naupangno pen kum 35 aphakhin numei khatkiang ah aki kemsak ahihi.

Video: The Government will tighten laws in the management and running of childcare centres as there are currently loopholes in them, said Datuk Seri Dr Wan Azizah Wan Ismail. The Deputy Prime Minister said this when asked to comment on the death of 10-month-old baby Naufal Amsyar Nabil Fikri, who was believed to have fallen from a crib at his babysitter’s house in Tangkak, Johor.

Tua naungek luaisung panin akiat ciangin limtakin kisitpah a, naupangno ii atal ah aki kuihkhakna pawlkhat kimu hi. Amitsung ahzong sisan om a, aluguh zong kitam hi.

Hihvai hangin tua naukepsak “Babysitter” numei zong Police te’n thusitna neihdingin Thursday ni in mansuakpah uhhi. Hih tuahsiatna pen “Section 31 (1) (a) of the Child Act 2001” thukhun tawh thu kibawl cih kiza hi.

Hih thupiang tawh kisai in aki zakbehna ah naukem “Babysitter” pen apualam ah aki theihngei uh hilo in, Facebook tungtawn in naukep sakthei cih atheih uhciangin naukemding in akicial uh ahihi.

More: Bangladesh gamsung ah Rohingya te nikhatin naungek suakthak 60 bang omden

Tua numeinu tawh naukemding in akicial uhpen zingsang 8am panin nitaklam 6pm hundong hi a, abeisa June 28 panin June 30 leh July 02 panin July 17 dong aki kepsakkhin uh ahihi.

Tua naungek ii apa pen Police khat hi a, anu zong nasemkhat ahihi. Tua ahih manin Sunday nisim in anu in kemin, Friday leh Saturday nipen apa tawh akikem uh ahihi.