Najib innsung panin vanmanpha leh sumlom honpikhat ki matkhiatsak

Najib innsung panin vanmanpha leh sumlom honpikhat ki matkhiatsak

Malaysia, Bukit Bintang aom Najib ii omna innkhatmah ahi Pavilion Residence ah zannitak in Police te’n buluhkik leuleu uh cih NST pan kiza hi. theStar te pulakna ah Najib ii neihsa Condo (Condominium) 3 takah buluhna akinei ci a, vanmanpha, suangmanpha Luxury Goods, Jewellery leh sum bekbek iptampitak kimankhia cihi.

Police Raid akibawlna panin sumbekbek akikoihna ip 72 ki mankhia in, tuaban ah Designer Handbag akikoihna Box 284 ki matkhiatsak hi. Vanmanpha leh sum akimankhia pen tamlua mahmah in, amanzah dingzong kisehthei nailo ciliang hi.

Bukit Aman’s Commercial Crime Investigation Department (CCID) director Datuk Seri Amar Singh in agenkhiatna ah hih vanmanpha leh sum akimatsakna ahangpen Wednesday ni in akipankhia Operation tawh kizom in akimankhia hi ci’n genkhia hi. Hih akimatsak vante pen 1Malaysia Development Bhd (1MDB) kici sum guknekna tawh kizom in aki matsak ahihi.

Abeisa Wednesday ni akipan Kuala Lumpur leh Putrajaya sung aom Najib tawh kizopna anei mun 6 takah Police Search kibawl kawikawi hi. Tuabangin Police Search akibawlna ah abeisa in Najib nasepna Prime Minister’s Office, abeisa PM aseplai in aomna Official Residence leh Najib tawh kizopna aom Private Residence mun 4, akigawm in mun 6 ah Police Search neikawikawi uhhi.

Video: Police were spotted carrying out dozens of orange boxes from Datuk Seri Najib Tun Razak’s apartment in Pavilion KL on Friday morning. Bukit Aman Commercial Crime Investigations Department director Comm Datuk Seri Amar Singh said police seized 284 boxes of branded bags and 72 bags filled with luxury items and cash of various denominations.

Zanni in vanmanpha leh sumlom akimatna pen Pavillion Residences Apartment aom innkhat panbek hipanlai hi. Aki matkhiatsak tepen tamlua mahmah in, Truck mawtawpi tawh kinawnkhia ziahziah hi. Amanzahding kituatthei nailo a, mundang te ahzong hihbangdan in Police Raid kibawl khathei laiding hi ci’n CID Director in genkhia hi.

Abeisa Wednesday ni akipan Jalan Langgak Duta aom Najib innsung ah Police Search akipan hi a, tuahangin Najib te innkuan in lungsim natna “Mental Distress” ngah uhhi ci’n Najib ii Lawyer in genkhia hi. Ahi zongin CID Director in adawnkikna ah Najib te innkuan pen bangmah bawlsiatna, nopmawh asaknading gawtbawlna omlo hi. Ka Officer te uhpen Professional vive hi a, anasep uh Professional takin sem uhhi ci’n dawngkik hi.

More: Myanmar gamsung ah tukum kha 3 sungin Human Trafficking Case 61 omkhin

NST te pulakna ah Jalan Raja Chulan aom Pavilion Residents panin zankim 12:15am hunpawl in Police te’n vanhonkhat nawnkhia ziahziah uh cihi. Tua vante lakah sumsimna “Money Counting Machine” khatzong kihelding ci uhhi. Najib ii abeisa gamtatna 1MDB vaipen tulaitak hoihtak in aki kanciansan laitak hi a, tua Result tungtawn in Najib pen thong akiatleh akiatlohding ki khentatding hi ci’n Dr. Mahathir in genkhia hi. Naih dekdekleh kilawmta hi. Sawltak #zomidaily