Na nuntakpih ding kammal 20

Na nuntakpih ding kammal 20

1. Na pa in hong it manin na taw hongsat mah ding hi. Ahizongin na Nu na itna hangin Sat (khasia sak) ngei kei in.

2. Hauhna leh zawnna sungah Lungkimna om tuak lel hi. Zawnna in mite honkhia zolo aa ahizongin Hauhna in sih nading pan in mite honkhia thei hi.

3. Ni 1 ni 2 meiikai in guahpi a zuk hangin tuicim tui ding cihna hilo hi. 10 vei 100 vei na lawhsapna pen khangtawn in lawhcing zo nawnlo ding cihna hi peuhmah lo hi.

4. Pilna in mite mai ah Maipha hong ngahsak thei hi. Haina in mite mai ah Maizumna kilangtak in hong pia thei hi.

5. Guahzuk laitak in tui dawh kul aa Thu hong ki gen laitak in hoihtak ngaih ding kisam hi. Na hong kipiak laitak in sangpah in.

6. Khang kizom in na huah nopleh Khang kizom in Pasian zahtak ding ngaihsutpi pen nei in.

7. Gel kholhna na neihkei leh khangkhat a’ding cih genloh ni khat nangawn na Ma pai lo ding hi cih phawk in.

8. Hong haza pian te’n hong kimuhmawh bawl in mun dangah hong gensia ding hi. Hong it taktak te in hong Gensia lo ding aa hong Thuhilh giap zaw ding hi.

9. Hai na khempeuh lak ah ‘Pasian lo zongtawhhi theilel e’ a ci mi pen a hai penpen a lungmawl penpen hi ding hi.

10. Nu leh Pa te pattahloh in a khangto mitampi om a Nu leh Pa te’ thu a manloh manin a khangto theilo mitampi mah om hi.

11. Na dangkhempeuh a cingin na neikhin phial zongin Pilna mah zonbeh niloh in.

12. Mi dangte koikoi ah a pai zongin Lampial kei ning cihlungsim tawh na kalsuan leh na Tupna na tung veve ding hi.

13. Nu leh Pa don manlo liangin Mawtaw hoihpen na hawl sangin na Nu leh Pa a’ding khedap hoih beek leisak lecin Thupha na ngahzaw thei ding hi.

14. Tui buasa ki luakkik thei lo hi. Kampausa zong ki dok theilo aa Hun beisa zong hong ciahkik ngeilo hi.

15. A mitpil te in Nate hoihtak muthei na hi. A lungpil mite in A omnailo nate nangawn mukhol thei hi.

16. Tui pipe sungah tui a pai ciangin kizangthei aa leilak ah a luankhiat ciangin a mawkna suak hi. Mipil te mai ah Thugenna in mannei aa mihai te mai ah thuhoih genna in manneilo hi.

17. Na nu leh Pa te in hong itlo taktak hileh na suahma pek in na sikhin kha thei ding hi cih ngaihsut huai hi.

18. Ih vengte zong i lawmte hi. Ih sangkahpih te zong i lawmte hi. I naseppih te zong i lawmte hiaa tuamahbangin Online lawmte zong ih lawmte mah a hihi. A kibang Itna khahkhia lel ni.

19. Haksatna na tuahciangin hong nusia te manggilhkei in. Haksatna na tuahciangin hong huhte zong manggilh kei in. Haksatna sungah hong koihte zong manggilh kei in. A vek in ciamteh inla vek in Itna tawh thuhkik sawm in.

20. Na haksatna te mai ah ‘kei lel lel’ na cihleh na Pa a simmawh na hithei ding hi. Ahizongin na Pa (PASIAN) mai ah ‘kei lel lel’ na cihleh na Pasian a liansak, a pahtawi na hi hi. Siamsin Library