“Na Nu” hoihtak nongna kepsak manin, lungdam mahmah ingh

“Na Nu” hoihtak nongna kepsak manin, lungdam mahmah ingh

Nu te Ni ongnai ta ahih man in, Amasa in, Tukal sangkah nithum ni- in, lawm te khat azumvai siang nailo ahih man in, USCRI zum ah kapai pih leh zum a Ulian pa Mak in, Hi Thang damdam maw ong ci-in, kei zong dam mah ing, Nang e ka cih leh kei zong dam ing ei, ong cin in, Tua zawh teh Thang na Nu a damdam hiam bang a ci hiam? ong ci-in, kei zong, Dammah ei bangmah lung himawh na ding om buangkei ka cih kik leh Thang aw, “Na Nu” hoih nongna kepsak man’in, lungdam mahmah ingh, hibang a na Nu nong kepsak na hangin, ko zumna sem te a dingin zong kana sep na uh ahoih mahmah ong suaksak hi teh, ong ci-in, hi bang kamzol tawh ong dawnkik na teng ka zaak ciangin, kalungsim khat ong puaklak tawh kibang hi.

Ka lungsim sungah, Hih ka Nu kakep amah bang lungdam na zenzen ai tam, dihdih aw ci giaugiou kha ingh.

Ka Nu pen Kum sawmsagih a val ta ahih man in, khat veivei naupang lungsim nei kiaukiau thei hi. Pasian thupha tawh a ci dam in, mitlimlang zanglo in laisiangtho pen a uttan vei simzo lai hi.
Ka Nu pen Malaysia pan in, Nov 19 / 2014 ni-in ong tung hi, Keipen zan nasem ka hih man in, zingsang naithum kim pawl in, Inn tungzong pan ka hih man in, inn ka tun ciangin ka kisil ma in, Malaysia a ka Nu tawh ka ki ho masa den uh hi.

Ka Nu tawh ka ki ho ciangun, khat veivei nai nih valbang ka kiho thei uh a, hih banga ka ki ho hun sungun, ko ki-it na thu te ka kiho teisam hangun, atam zaw pen Pasian thu genna in ka hun uh bei zaw hi. Ka neulai -in, ka Nu ong it na lianlua ahih man’in, ka Nu ongkep ongkhoi nate leh ka Nu ka ngaih mahmah man in ladawng khat khaphuah hi.

1. Simlei mi zalai, Mim bang pian na Tuunnu, Kei a dingin, Tuunnu von deih iit na, Tehpih ding om kei, Tuunnu aan bang iit na, Teh pih ding om kei, Nu aw ken ong ngai-ingh.

( Tuun aw hong ngai ingh, Nu aw ken nang hong ngai-ingh, Simlei mi zalai, Tuunnu iit na mah lian pen, Nong iit na nawizu, Khuaizu sangin zong khum zaw, Khankum khuasawt nunnuam in, Sian’in hong siam hen.)

2. Gilkial hun na ngawn a, Gilkial lam gen thei lo Khuadam ta leh zong, Khuadam lam gen thei lo, Dangtaak hun na ngawnin, Tui duh ci theilo, Nat leh sat nangawn, Gen thei lo sen lung mawl.

3. Tung Sianmang sin thu, Annbang in nong muam a, Ami zatam lai a, Paak bang in kei nong tawi, Gual tawh tan bang kim ding, Tuun aw nong pan tah, Khankum khuasawt nunnuam in, Sian’in hong siam hen. * Nute a lungdam sak zo dingin, Nu neilai te khempeuh, Topan thupha ongpia hen la,

* Ih Nu in ong dampih nawnloh hangin, Nu a hi lai te in te in, Ta te a kemsiam dingin, Topan thupha ongpia ta hen. Amen Thang C Khai (806 Henry Dr, Marshalltown, IA -50158)