Na kum atam ciang ~ Job Cinpi

Na kum atam ciang ~ Job Cinpi

Mihingte pen a kipan tek lam kimanawh hi. Tua ahih manin mihingte ngeina ah kum i tam ciangin cih thulu tawh thu thum kong hawmsa n nuam hi. Hih thu thumte pen khangnote ading zong hoih mahmah hi. Ahi zongin kamtamte ading ngaihsut huai zaw hi cihna ahi hi.

1. Na kum a tam ciangin, ka mit hoih nawn lo, ka bil hoih nawn lo, ka sin ka lung hoih nawn lo, ka kal hoih nawn lo ci-in na pumpi tungah hoihlohna a tam luat leh a paipai ding na hi ta hi. Tua bangin a hoih om nawn lo ahih leh na lungsim a hoih ding hanciam in.

2. Na kum a tam ciangin tua ka nek ciang na om nuam lo, tua tawh ka natna kilem kei, hih tawh ka natna kituak kei na cihcih leh a paipai ding na hi ta hi. Tua ahih manin bang mah tawh na kilem nawn loh hun ciangin thuman thutak tawh kilem ding hanciam in.

3. Na kum a tam ciangin na pai nading mun kawcik tektek kha ding hi. Pai ngamlohna mun, painoplohna mun, utlohna mun tampi na nei ta ding hi. Tua ahih manin tua bang hun ciang na lungsim le ngaihsutna a hoih lamin na paisak zawh nading hanciam in.

Laigelh a tam luate sim zo keng a cite ading hoih kasak thu thum hong hawmsawn kim ka hi hi. Kua gen hiam cih kong gen kei ding hi. Bang hang hiam cih leh Job Tawngno kammal kawmpak ding hi le’ng, mi pawlkhat in thugente a muhdah manun a thugen nial thei uh hi. Tua hangin a gente kong gelh nawn kei ding hi. Lungdam, Job Cinpi (Zomi Laisim Nuamte)