Na kimuhna siangthosak in

Na kimuhna siangthosak in

Nang leh nang pen na ut bangbangin na kimu/ ngaihsun thei hi. Mithupi khat in a hia a mi ginalo khat in zongh na kimu thei hi. Nang lehnang na ki ngaihsutna pen 100% nang ma tel a hihi. l ki muh bang lian in ki gamta khia aa a nunung ciangin ei leh ei i ki ngaihsut bang in a ki piang takpi a hihi.

Na pasal te kiangah “kei ka mel a hoih loh pi”, “an huan meh bawl siam nawn keng”, “thau lua ta ingh”, “ka kum tam lua ta”, ” ki manna nei nawn keng” cih te cici kha kei in. Tua pen nang leh nang na ki ngaihsutna hi bek hi. Nang leh nang na kimuhna pen a sawt ciangin na pasal in a takpi in hong mu kha ding hi. Ki manna a nei lo zi in hong koih kha ding hi.

A taktak in ci leng nang pen na pasal in leitungbup numei khempeuh lak pan a hoih pen, a kamsiam pen, a dikpen in hong muh hi aa nang ii an huansa zong lim a sakpen mah a hihi.

Nang leh nang ki neumuh lua kei inla mi ii hong neumuhna zong a takpi suak sak kei in.

Nang leh kei pen midang tawh ki banglo Pasian in a tuamvilvel aa hong bawl ngiat te i hihi.

Leitungbup ah nang ii khutpi mai bang khutpi mai nei om nai lo hi. Joel Osteen (Siamsin Library)

Leisung ah a a ki tuh, a ki mulo khaici zong a hun a tun ciang in hongpo in hong khangkhia aa gah tampi gah hun hong ngei hi.

Na lungsim sung ah na lunggelna, a ki mu thei nai lo na vision zong a hun a tun ciang in hong po khia ding aa a gah tam pi na at ding hi.