Malaysia Refugee lakpan MyRC Card abawl mi 300 bek phapan

Malaysia Refugee lakpan MyRC Card abawl mi 300 bek phapan

Malaysia gamsung ah UNHCR te piakkhiat Refugee & Asylum Card atawilimlim mi 150,000 valbang omding in aki ummawh ahihi. Malaysia kumpi “Home Ministry” te’n tua Refugee & Asylum Card atawi te ii Biodata, Database teng UNHCR thunei te tungah angetnget uhhangin ngahzolo uhhi.

Malaysia gamsung ah mihoihlo, migilo Terrorist aomding deihlo uh ahih manin, Malaysia gamsung aom Refugee & Asylum Card atawi khempeuh MyRC Card Register bawlhamtangding cih kumpi te vaihawmna ahihi.

Tua MyRC Card abawlsakna ahangpen TRIS ci’n amalkim in “Tracking Refugees Information System” ahihi. Refugee & Asylum Card atawisung panin deihlohpen guta, damiah, mithat, numeibuan cihbang khatpeuh aomleh manlangtak in kankhiattheih nading leh agam uh abitzawk nading Security lunggulhna zong ahihi.

Atung a Photo pen MyCard abawlsa khat ii Appointment laidal leh MyCard anung amai lahna Sample ahihi.

Malaysia Deputy Minister Datuk Nur Jazlan Mohamed in agenkhiatna ah hih gamsung ah nawngkaina apiangsaksak dawigilo te kideihlo hi. Tuate pen kua cih kitheilo hi ci’n Manglai in hihbang in genkhia hi. “We don’t want to have ‘ghosts’ in our country, which is a problem today. We don’t know who they are,”

Malaysia kumpi leh UNHCR zumpi pan thunei te ki muhkhopna neikhin uh a, UNHCR leh Malaysia Government kikal ah Card te ki zahtaksakding cih Informal Agreement omkhin cihi.

Ahi zongin UNHCR zumpi panin apiakkhiat uh Refugee & Asylum Card tepen Biometric Data kihello ahih manin, ko adingin zattheih omlo “useless to us” ci’n zanni Bangsar South aom TRIS Registration Center ah Press Conference abawllaitak in Deputy Minister in genkhia hi.

Tuaban ah Deputy Minister panin UNHCR zumpi zong ki zasakkhin a, Refugee & Asylum Card tawikhempeuh TRIS te tungah MyRC Card bawlhamtangding amite asawlkhait dingin thu kipiakhin cihi. Hih MyRC Card bawldingn pen ahun kha 6 sungin ki zawhsiangsawm cihi.

Azenzen in UNHCR zumpi in hong panpihnop keileh Malaysia Home Ministry te’n komau thutawh Refugee teng ki zongkhiading hi. Malaysia gamsung ah Refugee te koimunteng ah om cih kithei hi. Adiakdiak in Klang Valley, Cameron Highlands leh West Pahang sungteng ah Refugee te omna teng kitheikhin hi ci’n genbeh hi.

Tulaitak Malaysia gamsung ah Refugee & Asylum Card atawi limlim mi 150,000 valbang omdingin UNHCR te’n pulakkhia uh himahleh abeisa khasung in MyRC Card abawlpen mi 300 bekbek phapanmawk hi.

Related: Malaysia gamsung ah July 26 ni ciangciang Operasi pan akiman mi 5065 phakhinta

Hih vaihawmna pen adiakdiak in kumpi thunei te sungah Police Department leh Immigration Department te’n gamdangmi amatkhak uhciang in Refugee Status ataktak mahhiam cih sitcian nading inzong akigeel ahihi. MyRC Card cihpen Identity Card namkhatmah hi a, tuasung ah Personal Data leh Biometric Data avekin kihelding hi ci’n Deputy Home Minister pa’n genkhaitbeh hi.

E-card khitciang MyRC Card cileuleu. E-card kibawllohzong diksalo in, abawllo gamdangmi nasemteng galbet sabet in bengkhiagawp mawk uh cileng….. Sawltak #zomidaily